左麟右李粥麵小菜專門店 (Closed)

上星期食完，今個星期再encore呢碗豬雜麵，我個人認為真係好好食！啲豬雜好爽脆！湯底亦都好好味！講真，碗麵唔係大碗，所以價錢都係偏貴，可能係賣名氣啦，尚可接受嘅。上星期先第一次幫襯，我見呢度有其他食評話食物質素唔得，我都唔敢講，因為嚟咗兩次都係食豬雜麵，所以其他食物好唔好食真係唔知。我又見勁多人彈服務質素，我只可以講，冇乜特別，一個人食飯又唔太需要服務。Standard嘢做足嘅：量體溫、帶位、擺低個茶壺、俾餐牌、落單、送餐。。。對服務冇咩特別要求嚟講ok啦。起碼佢冇鬧我。