Video
Read full review
2016-11-13
352 views
最靚五花肉*韓國忠州直送蘋果套餐2人份 $398韓燒⋯係香港真係少食，今次決定玩玩新意思，唔止要韓燒，仲要蘋果加燒肉！位置位於旅遊旺區～旺角！2條女食韓燒，有啲過份，我認😂不過難得見面，真係唔好理咁多，開懷咁食，暢快地吹水😆2人份豬肉套餐，我完全覺得夠晒數，夠晒飽；肉類有3種，五花肉，祕製豬頸肉，黑毛豬肩肉；五花肉2大塊，好夠份量，燒時滋滋作響，嘩，啲肉汁啲油份，邊燒邊流出來，香到呀；豬頸肉就相對無咁油，但食落好彈口，唔駛包生菜就咁食已經好好味；拿，我就覺得黑毛豬肩肉係最為乾身同埋要最留神嘅，因為舊肉大塊到好似舊扒咁，真係要比足精神慢慢燒，雖然較乾但食落好有肉味，我就最鍾意整個生菜包一齊食，好滿足（啲生菜真係一塊塊，大大塊，好新鮮👍🏻）但既然要有啲唔一樣，當然要試下豬肉配搭其他食材一齊食：新麻蒲既然採用咗韓國忠州直送蘋果，甜中帶點點酸，唔係唔試嘛？好～試就試，想健康啲就配蘋果一齊食，蘋果片微微烤過就好了（太耐會變軟身，唔好食）一塊蘋果片配上一舊燒肉（一舊好啦，蘋果片唔係大大塊，包唔到咁多），再加蔬菜/配菜，配搭上祕制烤肉醬，一啖塞落口，真係又甜又啲啲酸又啲啲鹹再黎啲肉味，真係好多味道多
韓燒⋯係香港真係少食，今次決定玩玩新意思，唔止要韓燒，仲要蘋果加燒肉！位置位於旅遊旺區～旺角！
2條女食韓燒，有啲過份，我認😂不過難得見面，真係唔好理咁多，開懷咁食，暢快地吹水😆
2人份豬肉套餐，我完全覺得夠晒數，夠晒飽；肉類有3種，五花肉，祕製豬頸肉，黑毛豬肩肉；五花肉2大塊，好夠份量，燒時滋滋作響，嘩，啲肉汁啲油份，邊燒邊流出來，香到呀；豬頸肉就相對無咁油，但食落好彈口，唔駛包生菜就咁食已經好好味；拿，我就覺得黑毛豬肩肉係最為乾身同埋要最留神嘅，因為舊肉大塊到好似舊扒咁，真係要比足精神慢慢燒，雖然較乾但食落好有肉味，我就最鍾意整個生菜包一齊食，好滿足（啲生菜真係一塊塊，大大塊，好新鮮👍🏻）
但既然要有啲唔一樣，當然要試下豬肉配搭其他食材一齊食：新麻蒲既然採用咗韓國忠州直送蘋果，甜中帶點點酸，唔係唔試嘛？好～試就試，想健康啲就配蘋果一齊食，蘋果片微微烤過就好了（太耐會變軟身，唔好食）一塊蘋果片配上一舊燒肉（一舊好啦，蘋果片唔係大大塊，包唔到咁多），再加蔬菜/配菜，配搭上祕制烤肉醬，一啖塞落口，真係又甜又啲啲酸又啲啲鹹再黎啲肉味，真係好多味道多層滿足；想更滿足？配薄餅食啦，薄餅已經烤過並放上點點祕制醬汁和配料，把燒肉放上，再加蘋果碎條又再加秘制蘋果醋汁，食落更有口感更香！
除咗肉類，更有冬菇和大蝦，大大粒，大大隻，鍋邊更有烤蛋配上洋蔥；整個套餐大大份，大滿足；醬料多，配菜多，仲有沙律👍🏻地方大，乾淨，無時間限制之餘坐得舒服！
Post
