港興大飯店

Open Now

Now Closed

呢間中菜館好耐以前睇報紙介紹過，一直冇機會試，有時去大圍踩單車都會經過，知佢開咗好多年係老字號。今日晚飯終於有機會試到，環境非常之殘舊，有啲污糟，但見佢座無虛席，食物質素相信不錯。我叫咗三餸一湯，梅菜扣肉，炸大腸，炸腐皮卷，腐竹豬肚湯。梅菜扣肉比我想像中做得冇咁好，扣肉尚算可以，唔太肥食落， 但梅菜太鹹仲帶一啲酸味，我唔知係佢做得唔好定係本身係咁，反正唔太啱我口味。炸大腸同炸腐皮卷都好食份量好足夠，無可避免有啲太油膩，唔可以食太多，如果人數多啲分享一齊食會更加好。豬肚湯係我最滿意嘅，豬肚唔會太難咬開，個湯煲到好鮮甜，亦都有啲白果喺裏面。價錢俾我想像中貴，用呢個價錢都可以有好多選擇，而且環境唔太衛生感覺。