味滿

Open Now

Now Closed

唔好以為街小店食物就會普通，喺天后呢間粥麵店，我真係會特登嚟食，雖然都係街坊小店，不過質素每次來都保持到，而且我鍾意小店老闆娘招呼好熱情，周圍同食客傾偈，感覺特別溫暖。有全日套餐亦可以單點，每次嚟一定會食豬膶米，因為豬潤真係唔係每一間食店都做得好味，但呢度首先佢會切得比較厚身，而且大大件，有豬膶嘅鮮甜味，而且有口感，好味。牛筋麵亦都係每次都會點嘅食物，因為牛筋腩做得好出色，好淋身好香，而且牛筋每一啖都食到骨膠原，好鍾意食入口有少少痴牙嘅感覺，油菜仲可以揀芥蘭， 好大條夠新鮮。今次試咗紅油三寶，第一次試雖然覺得紅油唔算好辣，但可以一次過食晒兩款唔同嘅餃子同埋魚片頭，仲要每粒餃子真係食到原粒鮮蝦喺入邊，三十零蚊覺得都幾抵食。