Video
Read full review
2008-11-11
12 views
午飯時間差唔多完，見呢間餐廳唔係咁多人，就走入去試吓！講真，佢喺葵芳開咗咁多年，我都係第一次去幫襯，因為唔係咁鍾意台式食品，不過見佢而家都係做港式，連煲仔菜都做埋，已經唔係淨係得台式嘢食就可以試吓！呢間餐廳都幾多學生幫襯，早又係冇位，要差唔多飯市過晒先叫做鬆動啲！要咗： 豬頸肉撈麪：豬頸肉整得幾好味，不過好似唔係淨係得豬頸肉，仲有啲五花腩撈埋一齊，肉稔兼入味我就唔埋咁多嘞！麪似上海麪，不過唔係整得太稔都算唔錯，撈汁幾好味！ 珍珠奶茶：餐飲可以揀綠茶或珍珠奶茶，我就揀咗珍珠奶茶嘞，好似淡咗啲，好一般嘅珍珠奶茶咁嘅味囉！最令我覺得要改善嘅地方就係食物上枱時，侍應先同埋啲餐具一齊上，好有小士多 Feel，點解唔將啲餐具放喺枱面上，等大家都方便啲呢？
午飯時間差唔多完，見呢間餐廳唔係咁多人，就走入去試吓！講真，佢喺葵芳開咗咁多年，我都係第一次去幫襯，因為唔係咁鍾意台式食品，不過見佢而家都係做港式，連煲仔菜都做埋，已經唔係淨係得台式嘢食就可以試吓！呢間餐廳都幾多學生幫襯，早又係冇位，要差唔多飯市過晒先叫做鬆動啲！要咗：
豬頸肉撈麪：豬頸肉整得幾好味，不過好似唔係淨係得豬頸肉，仲有啲五花腩撈埋一齊，肉稔兼入味我就唔埋咁多嘞！麪似上海麪，不過唔係整得太稔都算唔錯，撈汁幾好味！
珍珠奶茶：餐飲可以揀綠茶或珍珠奶茶，我就揀咗珍珠奶茶嘞，好似淡咗啲，好一般嘅珍珠奶茶咁嘅味囉！
最令我覺得要改善嘅地方就係食物上枱時，侍應先同埋啲餐具一齊上，好有小士多 Feel，點解唔將啲餐具放喺枱面上，等大家都方便啲呢？
Post
