飲茶‧私房菜 (南豐大廈) (Closed)

前幾日同同事去「飲茶‧私房菜」食LUNCH, 見到呢度已經新推出咗大閘蟹menu, 等咗成年, 今晚放工同同事率先品嚐2022年第一隻大閘蟹。呢間餐廳主打點心、中菜, 不過晚市都冇茶芥收費 (只收加一), 大部份座位都為長檯setting, 有別於傳統酒樓。早前睇新聞報導今年大閘蟹未算豐收, 而呢度嘅大閘蟹約4-5兩, 定價HK$168/隻 【清蒸大閘蟹配薑茶】即蒸上檯熱辣辣, 蟹身有滿滿嘅金黃蟹膏, 甘香鮮味creamy, 食得滋味。還送上熱辣辣薑茶, 辣到喉嚨著火。【蟹粉蝦多士】HK$168蝦多士表面偏油咗d, 原隻蝦爽口有鮮甜味, 蝦身還沾上密密嘅芝麻, 加上墊底嘅脆多士, 很香口。 配上蟹粉醬, 鮮味再升呢。【臘味芋頭煲】HK$138湯汁有如忌廉湯般滑滑口感, 味道偏鹹, 送飯較為適合。芋頭好林, 沒預期中好粉狀嘅質感, 臘味有好林索咗湯汁嘅臘腸、東菇片。【睇住流奶】HK$34/兩件係流心奶黃包, 包質超軟熟, 餡料流心, 奶黃有淡淡蛋黃香, 唔會過甜, 唔錯。