SUKIYA すき家 (時尚坊(第2期))

Open Now

Now Closed

すき家喺黃埔開咗第二間分店，預咗啱啱開張實好多人排，所以諗住遲d先試，但R君已經急不及待話要食（佢期待咗好耐==）我頭痛就乘機唔出門喇，等佢出去時順便買外賣返黎。佢買排隊嗰陣話佢前面大概有50人，多人到見唔到cashier7:26買咗一杯普通冰紅茶都要$8，有點貴7:42 拎咗，有個不織布袋裝住，好靚咁我食香蔥溫泉玉子燒肉丼（M size)一打開，溫泉蛋去咗邊？諗過唔通摭住咗或者因為我外賣所以幫我撈埋？ 中間係有d汁咁，但唔似蛋汁，同埋無蛋黃味～牛肉係好食嘅，唔韌，厚度同肉質都不錯，同埋好多蔥無咗隻溫泉蛋有d失望......牛肉燒肉雙拼丼（M size)我地一致認為個飯好䶢，好重味精。我食到一半忍唔住狂飲杯紅茶，食完之後隔咗一排都仲覺得好口渴，又飲咗成杯水排解陣味精，第二朝起身陣味仲喺度⋯⋯R君話雖然好多人排，但其實都好快就有，原本仲諗住要等半個鐘。個人覺得間唔中食下都ok，但未去到非吃不可嘅程度。