丼瀛 (Closed)

今日嚟觀塘食日本菜，呢間餐廳都幾大間，未夠六點已經有客人喺門外排隊。餐牌都幾多選擇，除咗基本嘅刺身，壽司，丼飯外，呢度仲提供爐端燒同特色小食，仲有王牌推介壽司杯，當然要試吓佢嘅招牌菜。丼瀛特上築地壽司杯🍣一次過滿足你七個願望，七款壽司杯大部份都採用貴價食材，上面係刺身，下面係壽司飯，用個特製嘅S型架擺碟，一杯杯好似Cocktail嘅壽司杯色彩鮮艷，用嚟打卡一流👍🏻🍣三文魚腩：包到好似玫瑰花咁，三文魚好厚身好肥美，入口口感細滑，非常鮮味😋🦀松葉蟹with蟹膏：蟹肉肉質新鮮，味道鮮甜；蟹膏好香濃，質感細滑👍🏻鮮帶子：大大粒，一開二，入口十分鮮甜，會有回甘😍牡丹蝦🦐：好肥美呀，肉質新鮮，入口甘甜，蝦頭仲有好香嘅蝦膏😝池魚：肉質晶瑩剔透，入口好甘甜，好鮮味😚海膽with吞拿魚蓉海膽質感細滑，入口Creamy，鮮味沒有明礬味；吞拿魚蓉好鮮味好幼滑🤩芥末八爪魚🐙：八爪魚粒粒爽口彈牙，芥末辣辣地幾開胃。海膽熔岩墨魚膠包住海膽醬，外面再加左紫菜，炸到好香脆，墨魚膠爽口彈牙，裏面有香濃嘅海膽醬，好有創意👍🏻忌廉芝士鰻魚卷鰻魚燒到好香，同Creamy嘅忌廉芝士好夾，裏面有青瓜絲可以平衡返忌廉芝士嘅油膩感。