JUST'er Bar & Restaurant

Open Now

Now Closed

如果話希雲街係港島區嘅黃點集中地，九龍區就有山林道，呢間舖有罷市同將收益捐畀星火，店內黐滿文宣。食物名好盞鬼，有時要睇埋英文先知係咩嚟。.黑松露牛肝菌卡邦尼意粉:主菜中難得正常嘅名，用扁意粉較索到汁，夠黑松露同芝士味，略嫌份量較少。屬性：龍系 奇異花:原來係龍蝦虎蝦茄汁意粉，呢個唔錯，龍蝦有焦香，兩款海鮮都啖啖肉好彈牙。焗秘制豬仔骨配薯條:主菜中難得正常嘅名+1，豬仔骨有四條，個燒烤汁幾惹味，肉質有少少韌。英國國菜1997:大家估唔估到係咩呢？無錯就係Fish & Chips，不過係香港版，麵糊好似無咩落蛋所以顏色偏白，喺英國食嘅版本炸衣較厚，不過呢個版本都唔錯，無咁熱氣，但始終覺得配傳統嗰種粗薯條夾啲。MK鰻魚蛋包飯:唔知由幾時開始，鰻魚同海膽一樣變左百搭，呢款就有半條鰻魚，鍾意食嘅可以揀原條，鰻魚無咩腥味，個蛋夠滑，係想像到嘅味道。厚玉子燒:真係幾厚身，較似壽司嗰款甜玉子，加左燒汁、沙律醬同木魚吊味。玫瑰花茶:朋友話要養生叫左，稍甜但接受到。老老實實食物質素就正常啦，但老闆幾好人，話無客就唔會趕我地走，而且佢地做左好多野支援手足，去開呢頭不妨支持下。