Video
Read full review
2020-06-03
147 views
御之味係深黃餐廳，杜生都有介紹過！12道菜嘅廚師發板以香港為主題，全部菜式名都係好特別，睇完都唔知自己會食啲咩🤣🤣🦆 慢煮鴨胸第二好食嘅菜式，用紅木煙燻過嘅鴨胸同埋金春旦散發出淡淡嘅甜味，非常之香，而且擺盤一流！🐮 牛肉乾用食用紙印咗牛肉乾，下邊係慢煮牛脷，牛脷有陣陣果香而且煮得好淋。🦀魚蝦蟹係我最鍾意嘅菜式！用櫻花蝦包住蟹肉炸，櫻花蝦同蟹肉超級香，而且櫻花蝦脆卜卜好香口！🦁 獅子山下同杜生嘅諗法一樣，玩到咁都得？用歌詞黎做碟好搞笑！煎鯛魚配白菜豆腐卷，清淡平凡🤣🍣 甜酸苦辣辣味三文魚壽司配酸辣翠玉瓜同埋咖啡，三樣嘢分別係好食嘅，但係問過職員原來真係俾我哋分開食，所以感覺就會唔夠連貫。🌱 泥土帶甜嘅腐皮包住鮮甜海膽，食完非常之滿足，但係下面嘅泥土有浸藥材味，唔要好啲🤣🍜 廢老湯用咖啡壺煮嘅木魚清湯，滾左之後倒入用魚皮熬成嘅魚膠啫喱湯膽到，好清甜！🍮Uon甜品甜品有三款，有Lego啫喱、菠蘿乳酪、同埋蒟蒻啫喱冷麵，甜品就普普通通啦。.總結一下，魚蝦蟹同慢煮鴨胸都係水準之作，值得一試！ 其他菜式就玩味大過美味，如果食物質素再提高一啲嘅話應該會好好！餐廳而家做緊買一送一優惠，大家有興趣可以去
🦆 慢煮鴨胸
第二好食嘅菜式，用紅木煙燻過嘅鴨胸同埋金春旦散發出淡淡嘅甜味，非常之香，而且擺盤一流！
🐮 牛肉乾
用食用紙印咗牛肉乾，下邊係慢煮牛脷，牛脷有陣陣果香而且煮得好淋。
🦀魚蝦蟹
係我最鍾意嘅菜式！用櫻花蝦包住蟹肉炸，櫻花蝦同蟹肉超級香，而且櫻花蝦脆卜卜好香口！
🦁 獅子山下
同杜生嘅諗法一樣，玩到咁都得？用歌詞黎做碟好搞笑！煎鯛魚配白菜豆腐卷，清淡平凡🤣
🍣 甜酸苦辣
辣味三文魚壽司配酸辣翠玉瓜同埋咖啡，三樣嘢分別係好食嘅，但係問過職員原來真係俾我哋分開食，所以感覺就會唔夠連貫。
🌱 泥土
帶甜嘅腐皮包住鮮甜海膽，食完非常之滿足，但係下面嘅泥土有浸藥材味，唔要好啲🤣
🍜 廢老湯
用咖啡壺煮嘅木魚清湯，滾左之後倒入用魚皮熬成嘅魚膠啫喱湯膽到，好清甜！
🍮Uon甜品
甜品有三款，有Lego啫喱、菠蘿乳酪、同埋蒟蒻啫喱冷麵，甜品就普普通通啦。
.
總結一下，魚蝦蟹同慢煮鴨胸都係水準之作，值得一試！ 其他菜式就玩味大過美味，如果食物質素再提高一啲嘅話應該會好好！
餐廳而家做緊買一送一優惠，大家有興趣可以去支持黃店！💪🏻
Post
