Video
Read full review
2021-09-02
131 views
今次要去嘅cafe真係期待已久，終於可以玩貓喇。都係有提前經網站訂座，預訂後會有email確認日期同俾定個menu你睇。入舖頭前，店員會提醒先著鞋套同做好消毒，而用膳時間就限咗一個半鐘。挪威煙三文魚溫泉蛋黃金卡邦尼扁意粉 $108扁意粉味道好濃郁，食落有好香嘅忌廉味。將溫泉蛋撈埋落去，醬汁就變到更加creamy。煙三文魚口感煙韌，但份量比較少。巴馬火腿拉絲水牛手工薄餅 $108薄餅係蕃茄醬底，表面就有巴馬火腿同厚厚嘅芝士。因為係啱啱焗好，薄餅真係內外脆內軟。慢烤美國嫩雞胸配蜜糖芥末醬 $148雞胸肉比較厚身，但食落唔會柴，同蜜糖芥末醬都幾夾。另外都有薯蓉同燒蔬菜，薯蓉有好香牛油同蒜蓉味，真係食唔停口。滋味小食拼盤 $98呢款其實就係炸物拼盤，小食包括雞翼、紐西蘭魚寶、爆谷雞條同脆薯。食物唔會炸到好乾，雞翼咬落仲有肉汁會流出嚟。清新柑橘四季春 $58水果茶可以自選茶底，而揀咗嘅四季春茶味唔太出，飲品只會飲到酸味，唔太好飲。蜂蜜柑桔檸檬梳打 $42梳打味道比較正常，柑桔味道比較濃郁，飲落酸酸甜甜，都幾清爽。cafe都有唔少貓貓，眼見都有十隻以上。但現場嘅人客數量更多，同貓貓接觸都唔多。現場
挪威煙三文魚溫泉蛋黃金卡邦尼扁意粉 $108
扁意粉味道好濃郁，食落有好香嘅忌廉味。將溫泉蛋撈埋落去，醬汁就變到更加creamy。煙三文魚口感煙韌，但份量比較少。
挪威煙三文魚溫泉蛋黃金卡邦尼扁意粉
4 views
0 likes
0 comments
巴馬火腿拉絲水牛手工薄餅 $108
薄餅係蕃茄醬底，表面就有巴馬火腿同厚厚嘅芝士。因為係啱啱焗好，薄餅真係內外脆內軟。
巴馬火腿拉絲水牛手工薄餅
2 views
0 likes
0 comments
慢烤美國嫩雞胸配蜜糖芥末醬 $148
雞胸肉比較厚身，但食落唔會柴，同蜜糖芥末醬都幾夾。另外都有薯蓉同燒蔬菜，薯蓉有好香牛油同蒜蓉味，真係食唔停口。
慢烤美國嫩雞胸配蜜糖芥末醬
6 views
0 likes
0 comments
滋味小食拼盤 $98
呢款其實就係炸物拼盤，小食包括雞翼、紐西蘭魚寶、爆谷雞條同脆薯。食物唔會炸到好乾，雞翼咬落仲有肉汁會流出嚟。
滋味小食拼盤
20 views
1 likes
0 comments
清新柑橘四季春 $58
水果茶可以自選茶底，而揀咗嘅四季春茶味唔太出，飲品只會飲到酸味，唔太好飲。
清新柑橘四季春
0 views
0 likes
0 comments
蜂蜜柑桔檸檬梳打 $42
梳打味道比較正常，柑桔味道比較濃郁，飲落酸酸甜甜，都幾清爽。
蜂蜜柑桔檸檬梳打
0 views
0 likes
0 comments
cafe都有唔少貓貓，眼見都有十隻以上。但現場嘅人客數量更多，同貓貓接觸都唔多。現場都可以買零食喂食，佢哋好快就被喂到飽曬，之後就會瞓覺。
總括嚟講，整體都好有驚喜。本身對寵物cafe嘅食物期望唔太高，始終最大賣點係貓貓，冇諗到質素都真係幾好。下次會揀平日再嚟，應該唔會咁多人。
Post
