Video
Read full review
2013-09-25
2660 views
母親大人去新疆玩，屋企人少少，同朋友去揾食好過!摸下摸下黎左Café Siam, 7點未到入座，做左第二枱客， 少人的話環境都唔錯，頗有情調。餐廳身處蘭桂坊，場內大部分職員都係英語系。安排左坐窗口邊既沙化區，特別得黎幾舒服。蒲坐下就送來一盤蝦片同米通，蝦片偏硬身，米通口感較佳，配上辣醬味道不錯，乃送啤酒良伴。是日食團購餐單，炸蝦餅夠熱氣，唔太油，配埋甜酸醬岩岩好。柚子沙律柚子沙律賣相唔錯，一般貨色，用黎解解方才炸蝦餅既熱氣剛好。冬陰公蝦湯，用上鮮蝦和草菇，不會過酸過辣，味道中庸，不過同行友人唔食得辣開始用椰青舒緩一下。香葉炒雞肉碎，夠鑊氣，送飯一流，椰汁不過友人食到噴晒火，不能吃辣者慎吃。泰式炒通菜，加入麵豉，不過不失，最緊要係唔辣，瞬間比友人清左。青咖喱豬肉係最普通那道，青咖喱還青咖喱，豬肉還豬肉，完全結合不起來!食到飽飽地，happy hour完既人一下子魚貫進場，餐廳人氣多了，嘈吵度直線上升。由於樓底較低，唔太去聲，所以囫圇完甜品椰汁西米糕後只想用最快速度埋單走人!可惜顧客多了不見得職員效率相對加快，埋單也擾攘了好一會兒，也許是周一的關係，跟很多上班族一樣未進入狀態吧。總括來說，
摸下摸下黎左Café Siam, 7點未到入座，做左第二枱客， 少人的話環境都唔錯，頗有情調。餐廳身處蘭桂坊，場內大部分職員都係英語系。安排左坐窗口邊既沙化區，特別得黎幾舒服。蒲坐下就送來一盤蝦片同米通，蝦片偏硬身，米通口感較佳，配上辣醬味道不錯，乃送啤酒良伴。
是日食團購餐單，炸蝦餅夠熱氣，唔太油，配埋甜酸醬岩岩好。
柚子沙律柚子沙律賣相唔錯，一般貨色，用黎解解方才炸蝦餅既熱氣剛好。
冬陰公蝦湯，用上鮮蝦和草菇，不會過酸過辣，味道中庸，不過同行友人唔食得辣開始用椰青舒緩一下。
香葉炒雞肉碎，夠鑊氣，送飯一流，椰汁不過友人食到噴晒火，不能吃辣者慎吃。
泰式炒通菜，加入麵豉，不過不失，最緊要係唔辣，瞬間比友人清左。
青咖喱豬肉係最普通那道，青咖喱還青咖喱，豬肉還豬肉，完全結合不起來!
食到飽飽地，happy hour完既人一下子魚貫進場，餐廳人氣多了，嘈吵度直線上升。由於樓底較低，唔太去聲，所以囫圇完甜品椰汁西米糕後只想用最快速度埋單走人!可惜顧客多了不見得職員效率相對加快，埋單也擾攘了好一會兒，也許是周一的關係，跟很多上班族一樣未進入狀態吧。
總括來說，晚餐團購試菜質素無甚驚喜，不過見到隔離枱a la carte既炒飯賣相幾好，相信有機會散叫會更好。黎蘭桂坊想食泰菜都可以考慮上黎，不過環境安靜與否就睇你好唔好彩!
Other Info. :
餐廳佈置雖然舒適，但設計唔去聲，能否安靜用餐全睇彩數。
(The above review is the personal opinion of a user which does not represent OpenRice's point of view.)
Post
