LaVilla TST (Closed)

考試溫書左成個月終于完sem, 考完試梗係要食返餐好野，之前朋友極力推介呢間Lavilla, 呢日終于黎左試喇。Lavilla位于尖沙咀中心，如果唔係朋友介紹真係唔知有個甘正既地方，地面既餐廳全部都對住維港又有很多露天位，環境真係一流，當堂已經決定下次要黎試隔離果d餐廳。講返Lavilla, 當日我地12點半去到，唔使得等位，被安排係窗邊既位置，望住個海真係好正， 而且位置好寬敞，之後仲同兩個frd影左好多相！黎到當然要試下semi buffet, 淨係buffet就158，包括沙律吧，湯, 甜品加飲品。 如果要加main course就貴少少。我地三個人就加左兩個main course。分別係煙肉什菌忌廉意粉同香煎虎蝦配薯蓉。聼店員講原來佢地main course既menu係一個禮拜轉一次架。個沙律吧真係比我地想象中豐富，連凍海鮮都有，同埋好新鮮。甜品當然冇得同大酒店比架喇，但係都不過不失。成餐飯影下食下都食左三個鐘。總括黎講呢個價錢食到甘既質素已經好滿意，同埋真係食個環境都唔只，之後會recommend俾d friend，因爲好似唔係好多人知道呢個地方。