Video
Read full review
2019-06-07
947 views
女友最愛食半自助餐，但半自助晚餐唔係好多地方有，上網搵到呢間"My Day"近期推出石燒半自助晚餐，梗係要俾個surprise佢。餐廳位於美麗華商場食四方6樓，由於平時係用黎做婚宴場地，店內裝修得高貴浪漫，如果想book半自助晚餐，就要碰碰運氣睇下當晚有冇婚宴喇。自助前菜吧有好多選擇，沙律有羅馬生菜、生菜、粟米、蕃茄、煙肉粒等等，醬汁方面都有成４款揀，除咗沙律外，亦有煙三文魚、泰式鳳爪及海蜇等，其中海蜇非常入味及爽口，作為前菜一流。熟食有炸春卷、咖喱角、焗蠔及帶子，當中焗蠔以洋蔥及煙肉一齊焗，味道唔會太鹹，但始終黎緊有海鮮拼盤同主菜，都唔敢食得太多。湯有中湯及西湯選擇，西湯係甘筍忌廉湯，而中湯係淮山杞子螺頭煲雞湯，火喉十足，非常足料，飲落味精不多，唔會有口渴嘅感覺。食到咁上下，海鮮拼盤來了，有龍蝦、海蝦、翡翠螺、松葉蟹腳同青口，賣相非常吸引，每一樣都好新鮮，龍蝦肉質彈牙，亦都好重海水味，翡翠螺亦都好爽口，剩係呢個拼盤都已經值回票價。食完前菜及海鮮拼盤後，主菜嘅石燒終於登場了。我地分別揀咗燒挪威三文魚柳，象拔蚌，扇貝配忌廉麵豉汁及石燒肉眼扒配香草燒汁。店員會先將兩道菜輕微煮熟，再由我地自
餐廳位於美麗華商場食四方6樓，由於平時係用黎做婚宴場地，店內裝修得高貴浪漫，如果想book半自助晚餐，就要碰碰運氣睇下當晚有冇婚宴喇。
自助前菜吧有好多選擇，沙律有羅馬生菜、生菜、粟米、蕃茄、煙肉粒等等，醬汁方面都有成４款揀，除咗沙律外，亦有煙三文魚、泰式鳳爪及海蜇等，其中海蜇非常入味及爽口，作為前菜一流。
熟食有炸春卷、咖喱角、焗蠔及帶子，當中焗蠔以洋蔥及煙肉一齊焗，味道唔會太鹹，但始終黎緊有海鮮拼盤同主菜，都唔敢食得太多。
湯有中湯及西湯選擇，西湯係甘筍忌廉湯，而中湯係淮山杞子螺頭煲雞湯，火喉十足，非常足料，飲落味精不多，唔會有口渴嘅感覺。
食到咁上下，海鮮拼盤來了，有龍蝦、海蝦、翡翠螺、松葉蟹腳同青口，賣相非常吸引，每一樣都好新鮮，龍蝦肉質彈牙，亦都好重海水味，翡翠螺亦都好爽口，剩係呢個拼盤都已經值回票價。
食完前菜及海鮮拼盤後，主菜嘅石燒終於登場了。我地分別揀咗燒挪威三文魚柳，象拔蚌，扇貝配忌廉麵豉汁及石燒肉眼扒配香草燒汁。店員會先將兩道菜輕微煮熟，再由我地自己根據喜好放上石板燒來決定熟度。
燒挪威三文魚柳，象拔蚌，扇貝配忌廉麵豉汁 :三文魚柳經石燒後，外皮燒得香脆，魚肉充滿石燒香味，忌廉麵豉汁味道香濃，但唔會蓋過三文魚鮮味，象拔蚌及扇貝經燒過後帶微焦，但肉質仍保持鮮嫩，伴碟嘅忌廉薯蓉味道微甜，配海鮮食一流。
石燒肉眼扒配香草燒汁 :肉眼扒上檯時已經煮到２—３成熟，再由我地輕微燒過後已經可以入口，牛肉肉質鮮嫩多汁，牛味好濃，自己控制熟度真係最好。
食完主菜後雖然飽飽地，但見到咁精緻嘅甜品又點可以唔試呢？每一樣都唔會太甜，食多幾件都唔會覺得好漏。最後配上即磨咖啡，為我地嘅晚餐劃上完美嘅句號。
Post
