紫醉軒 (Closed)

同屋企人經過旺角發現有間新開嘅中餐廳， 決定上去試下。 環境乾淨， 裝潢有情調，服務態度良好。最吸引的係胡椒澳洲花蝦煲， 一個上枱就有好香濃嘅胡椒味， 用瓦煲上，熱辣辣， 加上新鮮的芹菜，蝦亦十分新鮮彈牙， 蝦味濃郁， 份量亦很多，值得一試。另外的台式三杯雞也很不錯， 雞肉嫩滑， 配搭清新的九層塔， 同爽脆的黃椒紅椒， 口感很多層次。我地都嗌了兩個健康嘅菜式，分別是黑磚豆腐和蒜蓉菜心。 豆腐外皮鬆趣，入邊豆腐豆味香濃， 令人食到一嚿接一嚿。 蒜蓉菜心清新爽脆，很好。