Video
Read full review
2018-10-18
584 views
嗰日因為係朋友生日，我地食豪啲，就去食左呢間愛爾蘭餐廳。比起本地人，更多外國人幫襯，再加上昏暗嘅色調同較為寧靜嘅餐廳氣氛，感覺好浪漫。餐廳共兩層，樓下係bar位，仲有大screen睇波。而樓上就係餐廳。所有staff都係講英文，但香港嘅朋友仔唔使太擔心，份Menu係有中文嘅。首先上嘅係海鮮周打濃湯。濃湯料多，龍蝦、大蝦、蜆肉同三文魚樣樣齊，海鮮味鮮甜，配岀白汁嘅濃而不咸嘅味道，非常夾。前菜則係煙三文魚及羊奶芝士配酵母包。煙三文魚鮮甜厚肉，咸得岩岩好，唔會蓋住羊奶芝士嘅味。而羊奶芝士唔咸唔淡，但又有些小羊羶味，非常適合唔食羶味嘅朋友。主菜有兩種，分別係美國頂級12安士西林牛扒同野菌黑松露闊條麵。前者選擇咗5成熟配薯蓉。愛爾蘭薯蓉便是主食，薯蓉加上香草非常野味，但咸淡適中，唔會食第一啖無味，食最後一啖咸。而牛扒更係精髓，口感鮮嫩，肉汁嘅鮮味亦都完美keep到，一切汁流哂岀來，非常juicy。而闊條麵有好重嘅黑松露，世界上應該無咩材料加黑松露係唔好味嘅。另外面頭仲加左d意大利軟芝士，呢個配搭係絕配，未試過咁嘅配搭係唔好味嘅。最後甜品上左個招牌香濃朱古力蛋糕。熱朱古力蛋糕嘅甜膩味，配上凍而解膩
比起本地人，更多外國人幫襯，再加上昏暗嘅色調同較為寧靜嘅餐廳氣氛，感覺好浪漫。
餐廳共兩層，樓下係bar位，仲有大screen睇波。而樓上就係餐廳。所有staff都係講英文，但香港嘅朋友仔唔使太擔心，份Menu係有中文嘅。
首先上嘅係海鮮周打濃湯。濃湯料多，龍蝦、大蝦、蜆肉同三文魚樣樣齊，海鮮味鮮甜，配岀白汁嘅濃而不咸嘅味道，非常夾。
前菜則係煙三文魚及羊奶芝士配酵母包。煙三文魚鮮甜厚肉，咸得岩岩好，唔會蓋住羊奶芝士嘅味。而羊奶芝士唔咸唔淡，但又有些小羊羶味，非常適合唔食羶味嘅朋友。
主菜有兩種，分別係美國頂級12安士西林牛扒同野菌黑松露闊條麵。前者選擇咗5成熟配薯蓉。愛爾蘭薯蓉便是主食，薯蓉加上香草非常野味，但咸淡適中，唔會食第一啖無味，食最後一啖咸。而牛扒更係精髓，口感鮮嫩，肉汁嘅鮮味亦都完美keep到，一切汁流哂岀來，非常juicy。
而闊條麵有好重嘅黑松露，世界上應該無咩材料加黑松露係唔好味嘅。另外面頭仲加左d意大利軟芝士，呢個配搭係絕配，未試過咁嘅配搭係唔好味嘅。
最後甜品上左個招牌香濃朱古力蛋糕。熱朱古力蛋糕嘅甜膩味，配上凍而解膩嘅雲尼拿雪糕，簡直就係極與極嘅享受，矛盾得來又非常夾。唯獨雲尼拿無哂之後，單食朱古力就會甜到頂唔順。
Post
