一盞燈 (Closed)

附近搵唔到啱食嘅，咁啱見到幾靚，又有早餐供應，就入去試試啦。未入座職員話咖啡師十一點先返，所以飲品只有果汁或者美式咖啡，想飲其他咖啡嘅請留意返。因為朝早，客人唔多，落單後好快就有得食。松露滑蛋煙三文魚三文治配沙律菜（唔揀煙三文魚可以揀煙肉）蛋唔滑，無乜松露香味，而麵包比較薄，但又唔夠脆，整體嚟講係一般。店內仲有一區有貓貓，不過店員話疫情關係唔會放佢哋出嚟，可惜⋯店內環境好好，比人好舒服嘅感覺，有機會都會再去。