彩晶軒 (Closed)

見到鱷魚恤中心翻新咗，有幾間新酒樓，尊登嚟試吓，都唔知邊間好，是旦試一間，呢間裝修得唔錯，都幾舒服。糯米卷 - 味道一般，糯米唔夠味，包包比較黏口。方魚肉碎粥 - 好似飯加湯咁，又唔夠味，麻麻哋。山竹牛肉 - 牛肉彈牙又有牛肉味，好味道。帶子腸粉 - 呢個都唔錯，腸粉皮都算滑，口感幾好。蝦餃 - 蝦餃皮夠煙韌，蝦也很爽口， 味道也好。燒賣 - 味道OK，但冇乜特別。蘿蔔絲酥餅- 很香蘿蔔味，酥皮也很鬆化，好味。埋單$216。