El Cerdo (駱克道) (Moved) New Location

午餐搵食貼士1200去到無人，得我地一枱。但1215開始多人。最高鋒時間大約1300左右，但係都係8成滿，加上大多沒有訂位。人數較多的部門即慶午餐，可以考慮。我地叫咗兩個西班牙海鮮飯餐，有前菜，有甜品，有湯再加餐飲。前菜係多士上面加上蕃茄蓉，本來好好的，但個廚仲加咗大量Olive oil,搞到成口都係油，如果大家唔太食得咁油，一定要叫少油。跟住係個西班牙飯，好味，有好多海鮮，本來見佢咁細碟，心諗唔夠飽，結果剛好相反。跟住甜品係炸肉桂條，其實係唔差的，但係又係油到飛起，結果我同同事用餐紙索咗3至4分鐘，先再食。最後杯咖啡，係唔得嘅，因為有燒焦的味道。呢個地方的好處係地方光猛，寬敞，係酒吧街，但無酒吧味，其實係唔錯的。