滿樂中菜 (Closed)

同事提起食過戲曲中心內的樂滿中菜，都讚不絕口，話用餐環境寬敝，食物水準不錯而且定價相當合理。我心思思想去試吓，今日咁啱喺附近做嘢，完成後就叫埋同事過去食晚餐。餐廳佔地頗大，裝修設計高雅。鴛鴦胡椒焗中蝦，上枱時熱騰騰，胡椒香氣撲鼻而來，將新鮮又大隻嘅蝦用青和白胡椒焗，因為蝦已經開邊，所以特別入味，肉質鮮嫩彈牙，味道椒香，非常惹味。海皇三絲羹，有魚、蝦、韭黃、筍絲和瑤柱絲，十分足料，配搭上鮮甜的湯底，一口接一口，食不停口！招牌金瓜炒米粉，用上新鮮大蝦仁、椰菜、金瓜等炒米粉，炒得既有鑊氣，米粉爽口又入味，大蝦彈牙，金瓜香甜。千層咖啡糕甜度適中，不錯的飯後甜品。