峰 (Closed)

今日星期四，番埋就連放四日假，一於搵間好少少嘅餐廳，食番個靚Lunch，準備迎接美好嘅假期。呢間「峰」行過好多次，但一直都冇入去食，原因係一睇佢門面就知係貴野，所以無乜機會試到。今日下午行到黎，咁岩見到佢有Lunch Set，假期前夕就一於試下啦！「峰」門面好靚，入面亦都好靚，燈光暗暗地，坐落都幾舒服。我簡左係埋面嘅bar檯坐，整體感覺都幾唔錯。午餐睇落都幾多野食，選擇都算多，不過我一向鍾意芝士同漢堡，所以順理成章點左「和風芝士漢堡扒定食」($56)。「定食」也者，就係跟白飯沙律一碗、白飯、麵豉湯同可樂一權。點完餐，先黎沙律同麵豉湯，唔知係季節問題，定係食物處理未夠好，個沙律唔多新鮮，仲有少少苦添；至於個湯呢就好似咸左些少，而且味精較濃，所以呢兩款前菜，我都係食左少少就放低了。等多一陣，輪到芝士漢堡定食上場，塊漢堡睇落好厚好太份，而芝士亦係大大塊，而且呢個芝士漢堡岩岩出爐，熱到芝士都溶溶地，拎近少少就可以閒到香味，賣相都幾好唔錯！漢堡扒芝士配落白飯度，食落口感幾好，加上漢堡大大塊，食完成個set夠晒飽。埋單$64，已經係我呢個week最貴嘅Lunch了，主菜幾好唔錯，係前菜差左少少，整