La Kaffa (Closed)

呢間餐廳係北角黎講算好食，首先地理方面都算幾近北角地鐵站，B1出口行幾分鐘就搵到！😂再者餐廳既裝潢都非常優雅，亦都有一陣vintage既味道，令小編食好野既同時都增添一分特別既感覺😋食物方面，小編就覺得都唔錯，但係有一兩款食物都有進步同改進既空間啦😀首先，starter方面，就點左個『雞翼三重奏』（＄58 ），特別在於la kaffa有兩種好少食到既醬汁，分別係玫瑰同埋檸檬味，玫瑰味呢幾新鮮同特別，值得一試！玫瑰既花香味都好突出，平衡番雞翼既味道。檸檬味雞翼既蜜糖就落得重手左，少左d檸味，不過總括黎講都幾好食！而最後一隻味就係水牛城味，美中不足既就係蕃茄味太濃，如果可以多番D辣味就會更加好啦🙈主食方面就叫左『香烤德式豬手』（＄178 ）同埋半份『招牌豬肋骨』（＄98 ），豬手真係值得一讚，上枱時豬皮都仲係脆卜卜，伴碟亦都非常好味，分別有薯蓉同埋酸菜，豬手沾上德國芥辣，酸酸辣辣非常開胃。薯蓉方面就牛油味頗重，然而小編都覺得味道非常豐富香濃，好味道！Back ribs方面，小編就覺得稍微失色，一來係醃肉方面味道爭少少，二來就係有少少唔夠鬆軟，小編就覺得如果BBQ醬味道濃D，同埋肉質有做到