百份百餐廳 (藍灣廣場) (Closed)

今次係第一次寫食評，因為真係忍唔住唔寫。呢間餐廳喺藍灣半島開左咁多年，本來開始嘅時候都還勉強過得去，因為商場冇乜類似嘅平民茶餐廳，而且佢價錢都唔算貴、食物質素都ok。 但依家真係越做越差，服務態度差，衛生情況更差。本來今日因爲時間比較趕，其他想去嘅餐廳未開，所以貿貿然去左呢度食早餐。我叫左個雞扒公仔麵，同行嘅友人叫左個魚柳拼茄汁豆加蒜蓉包。食物唔係重點，味道普通冇特別評價，重點係衛生問題。盛載餐具嘅櫃桶，有啲污糟、有油漬，用餐具前必須洗一洗抹一抹先安心。食左一陣，就見到一隻迷你小曱甴喺牆上出現。友人即刻攞紙巾㩒死左佢。以為之後冇事啦，結果唔夠五分鐘，又有另一隻中型曱由（手指頭大小）出現喺同一塊牆上, 而牆左邊小小就係廚房嘅窗口，認真恐怖。嗰陣時冇諗咁多只係想快啲走人，對住啲嘢食都冇胃口🤮。我好好奇究竟呢間餐廳係咪住左成竇曱甴，再望一望對面枱塊牆，果然又見倒一隻大嘅（曱甴爬嘅位置都好近枱面），真係好噁心。嗰邊嘅食客望倒，避左兩避，都低頭想快啲食完快啲走。之後我哋有同侍應反映，佢「哦」左一聲就算，一啲都唔驚訝（可能慣左），亦冇道歉，冇話會跟進等等。總之，呢間野係我心目中嘅形象完全插水。我冇