Arcadia

Open Now

Now Closed

每個週末都要絞盡腦汁諗吓去邊間餐廳食飯，今次揀咗Arcadia。雖然未到萬聖節，但係餐廳已經將餐廳佈置到充滿萬聖節氣氛。餐廳原先裝潢都好靚，而且充滿打卡位包括浴缸、熱氣球同牆身壁畫🥰- Yuzi Party 餐廳嘅cocktail好打卡able，女朋友叫左Yuzi Party，精緻嘅賣相背後係香濃嘅柚子味道，整體味道酸酸甜甜，容易入口👍🏻- 生牛肉薄片廚師刀工非常厲害，每一片生牛肉切到紙咁薄。生牛肉、火箭菜同黑醋既配搭非常完美，食落非常開胃👍🏻- 龍蝦汁意大利飯配龍蝦尾香濃嘅龍蝦汁包住每一粒意大利米，意大利飯口感煙韌兼幼滑。至於龍蝦尾肉質新鮮，味道鮮甜彈牙😍- 澳洲M3和牛肉眼扒外層焦香而且有坑紋非常吸引。牛扒除咗第一啖食到少少筋，其餘每一啖都係肉質嫩滑，油脂分佈平均，牛味濃郁😋餐廳室外地方係一個天台花園，行出去可以遠眺成個維港景色。