韓日屋燒烤放題 (Closed)

我其實好唔鐘意食呢類型既韓燒+放題，不過個FD生日，佢又鐘意食，咪陪佢一次咁大把。好老實我上到去個下我有Ｄ嚇親，唔知個日抽風係咪有問題，Ｄ油煙大到睇到白煙堆積哂係度，俾我感覺好差，好彩呀姐安排左卡位俾我地，叫做無咁煙。睇黎睇去都係個Ｄ例牌野，所以叫個FD自己劃。我就淨係對佢Ｄ創作壽司有興趣。話哂都係任食，呢度有大隻既蝦刺身，無理由唔叫。刺身算新鮮，係放題水準以上，估唔到。呢盤係我叫，見到幾新穎就想試。左起笑蝦蝦、黑松露帶子、黑蚊蚊、熱辣辣、軟綿綿。呢Ｄ壽司又比想像中好食，尤其係個熱辣辣，佢係卷泡菜同三文魚，新得黎又幾好食，唔係亂咁黎。之後仲叫左炒蜆，無沙又清甜，收貨啦。我FD想食既韓燒料就到喇，呢盤係海鮮，不過Ｄ海鮮就麻麻地。Ｄ牛肉同豬肉全部都有汁，基本上燒熟哂已經可以直接食，本身已經調好哂味，比一般韓燒店係多左份心機，而且每隻味道都有佢特色。呢個係牛柳粒同豬頸肉，豬頸肉幾肥，食落唔硬，仲好易咬開，夠哂嫩口。係佢咁既價位黎講，Ｄ野食其實又唔算好差，仲有任飲，不過環境真係扣哂分……如果改善下就最好喇，整體黎講野食都好食，打好評啦。