WIRED CAFE (Closed)

今日在銅鑼灣做完私事，原本諗住去希慎廣場的Urban Bakery 幫襯買二送一的牛角酥，撞正TVB正拍小儀採訪梗麵包師，八咗一陣之後，發現呢輪熱辣辣牛角酥售罄，要排成25分鐘再等下一輪 @@……肚又餓，索性在附近搵嘢食，去咗14樓呢間Wired Cafe，見個環境唔錯，於是決定係度hea下食個late lunch。Set Lunch 大概有6款套餐可以揀，點咗個蛋包飯同咖啡，飯上來，賣上唔錯吖！飯粒應該係用珍珠米或者入面米，粒粒圓碌碌，幾有咬口，個蛋都算煮得啱啱好，伴個深咖色的燒汁，汁味沒想像中的濃，起咗吊味作用，伴飯的還有少許蔬菜，整體算不俗。由於座位間隔很寬敞，午後人又唔多，如果想慢慢食慢慢hea，都算一個唔錯的選擇。