Video
Read full review
2023-05-04
1046 views
🥰 話說呢兩三年, 喺香港探索唔少海鮮勝地, 包括西貢, 鯉魚門, 三聖邨, 流浮山.🤗 西貢主攻遊客, 出產幾間米芝連餐廳, 早前 “師姐” 推介 “勝記”, 一試難忘. 鯉魚門又係主攻遊客, 我淨係記得朋友開嘅 “鯉魚門酒家”. 三聖邨就遠少少, 近屯門黃金海岸, 谷友推介 “廣東名廚”, 坐得舒服, 味道不俗.🥢 流浮山真係山長水遠, 但相對抵食, 屢戰大衆化嘅 “明記”, 又試過高擋嘅 “小桃園”. 今日轉戰 “邦記”, 飯店格局, 較 “明記” 乾淨企理, 喺斜斜對面嘅 “許照記” 點咗六款海鮮.油鹽水浸蝴蝶蚌豉椒炒蟶子上湯焗龍蝦蒜蓉粉絲蒸北寄貝果皮蒸大連鮑魚油鹽焗奄仔蟹菜心🤗 餐廳光猛整潔, 服務到位, 換碟迅速, 按要求, 海鮮分兩轉送入廚房, 用餐節奏舒服, 十個讚! 論海鮮食材, “許照記” 同 “明記” 不相伯仲, 論烹功, “邦記” 味道較濃, 食完少少口渴, 可樂係最好嘅朋友. 今餐材料大約$1500, 加工費$500, 性價比合理.🐚 油鹽水浸蝴蝶蚌. 油鹽水略深色, 比 “明記” 版本濃味, 又冇 “明記” 咁鮮. 蝴蝶蚌啱啱熟, 有嚼口. 可惜三隻開唔到口
🤗 西貢主攻遊客, 出產幾間米芝連餐廳, 早前 “師姐” 推介 “勝記”, 一試難忘. 鯉魚門又係主攻遊客, 我淨係記得朋友開嘅 “鯉魚門酒家”. 三聖邨就遠少少, 近屯門黃金海岸, 谷友推介 “廣東名廚”, 坐得舒服, 味道不俗.
🥢 流浮山真係山長水遠, 但相對抵食, 屢戰大衆化嘅 “明記”, 又試過高擋嘅 “小桃園”. 今日轉戰 “邦記”, 飯店格局, 較 “明記” 乾淨企理, 喺斜斜對面嘅 “許照記” 點咗六款海鮮.
油鹽水浸蝴蝶蚌
豉椒炒蟶子
上湯焗龍蝦
蒜蓉粉絲蒸北寄貝
果皮蒸大連鮑魚
油鹽焗奄仔蟹
菜心
🤗 餐廳光猛整潔, 服務到位, 換碟迅速, 按要求, 海鮮分兩轉送入廚房, 用餐節奏舒服, 十個讚! 論海鮮食材, “許照記” 同 “明記” 不相伯仲, 論烹功, “邦記” 味道較濃, 食完少少口渴, 可樂係最好嘅朋友. 今餐材料大約$1500, 加工費$500, 性價比合理.
🐚 油鹽水浸蝴蝶蚌. 油鹽水略深色, 比 “明記” 版本濃味, 又冇 “明記” 咁鮮. 蝴蝶蚌啱啱熟, 有嚼口. 可惜三隻開唔到口, 自己用刀開!
🥰 豉椒炒蟶子. 生菜塾底, 賣相搞笑. 講番蟶子, 鮮甜, 爽口, 豉椒味道一流.
🦞 上湯焗龍蝦, 伊麵底. 今日揀咗西澳龍蝦, $280 一斤, 較南澳龍蝦 $380 一斤抵食, 厚肉, 爽口, 不俗! 老友 “肥強” 食家上身, 話今次嘅西澳龍蝦真係冇上次南澳龍蝦咁好食!📖 澳洲龍蝦主要分南澳及西澳. 南澳龍蝦 (又名澳洲石龍), 肉質飽滿鮮甜細緻, 非常適合刺身. 而西澳龍蝦 (又名澳洲紅龍), 相對冇咁厚肉, 又較抵食.
🐚 蒜蓉粉絲蒸北寄貝. 蒜蓉味道OK, 略嫌唔夠粉絲, 北寄貝比想像中韌.
🥰 果皮蒸大連鮑魚. 入味, 夠腍, 我鍾意呢個果皮味.
🦀 油鹽焗奄仔蟹. 香噴噴, 可惜蟹身略細, 賣相可憐, 好彩算係爆膏.
🥬 菜心. 免費敬贈, 冇渣, 合格.
🤗 總結: “邦記” 環境服務優勝, 又分轉入單, 用餐節奏舒服, 加分! 老友 “肥強” 覺得 “邦記” 調味太重, 傾情鮮味取勝嘅 “明記”.
Post
