Video
Read full review
2022-02-21
1229 views
The Chop House美麗華一期3樓，有室內同室外座位，但因為個日天氣凍同大風都係簡左坐入面，入面比較暗黃調，枱與枱之間闊落，坐得舒服。因為禁左晚市，所以唯有BOOK中午慶祝男友生日，但1點鐘都唔FULL。叫左店員安排左近窗邊位置，影相有自然光都會靚啲。因為男友唔食牛，所以叫左一個午市套餐加單叫左個豬鞍扒share。Set Lunch $228★★★★★午市套餐都幾多野，二百幾蚊加一有齊沙律、湯、一個主食、一個甜品，相對上較單叫更加抵食。Grilled Prawn Salad★★★★☆沙律份量足，兩個人都OK，有沙律菜、青瓜、車厘茄、芫荽，沙律菜夠新鮮爽脆。沙律醬汁比較上走泰式風味，醬汁有薄荷、香草、花生碎、青檸，整體係清新帶D酸味，蝦有4舊，新鮮爽口，食落帶焦香味。Daily Soup Mushroom and Cream ★★★★★雖然係SET但個湯唔會話好HEA，好香濃嘅蘑菇味道，飲落帶好細嘅蘑菇粒，有口感。唔算大碗個湯，飲哂都唔會覺得好膩。重點係個湯夠熱，因為湯一凍真係馬上減分。Spring Chicken★★★★☆本來都怕個燒春雞好鞋好乾身，但出奇地好食同嫩。燒春雞正常
The Chop House美麗華一期3樓，有室內同室外座位，但因為個日天氣凍同大風都係簡左坐入面，入面比較暗黃調，枱與枱之間闊落，坐得舒服。因為禁左晚市，所以唯有BOOK中午慶祝男友生日，但1點鐘都唔FULL。叫左店員安排左近窗邊位置，影相有自然光都會靚啲。因為男友唔食牛，所以叫左一個午市套餐加單叫左個豬鞍扒share。
Set Lunch $228★★★★★
午市套餐都幾多野，二百幾蚊加一有齊沙律、湯、一個主食、一個甜品，相對上較單叫更加抵食。
Grilled Prawn Salad
19 views
0 likes
0 comments
Prawn Salad
31 views
0 likes
0 comments
★★★★☆
沙律份量足，兩個人都OK，有沙律菜、青瓜、車厘茄、芫荽，沙律菜夠新鮮爽脆。沙律醬汁比較上走泰式風味，醬汁有薄荷、香草、花生碎、青檸，整體係清新帶D酸味，蝦有4舊，新鮮爽口，食落帶焦香味。
Mushroom and Cream Soup
28 views
0 likes
0 comments
★★★★★
雖然係SET但個湯唔會話好HEA，好香濃嘅蘑菇味道，飲落帶好細嘅蘑菇粒，有口感。唔算大碗個湯，飲哂都唔會覺得好膩。重點係個湯夠熱，因為湯一凍真係馬上減分。
Spring Chicken
55 views
0 likes
0 comments
Spring Chicken
21 views
0 likes
0 comments
★★★★☆
本來都怕個燒春雞好鞋好乾身，但出奇地好食同嫩。燒春雞正常SIZE，外邊都烤得幾平均，金黃帶D焦，切同食落都幾JUICY，唔會乾爭爭同鞋口。隻雞應該已一早醃左，所以食落帶有咸味，唔點醬汁都冇問題。燒春雞入面放左D洋蔥、西芹、香料、香草、甘荀，都令到隻雞Ｄ肉更加之有味道。個紅酒醬汁個人認為唔算同個雞太夾，可能配牛或者豬會好D，但都香紅酒味，酸酸地。配菜西蘭花、甘荀同埋薯條。但我事後睇落MENU係寫烤薯仔，但落單時店員都冇講到轉薯條。
Fudge Cake
14 views
0 likes
0 comments
Fudge Cake
33 views
0 likes
0 comments
★★★☆☆
本身BOOK位已經一早講左寫生日字句落甜品到，而佢可以係SET甜品上寫字，唔需要額外叫多一個甜品，餐廳都好有心換左隻靚Ｄ嘅碟寫字。順帶一提生日佢地會幫你影張即影即有俾你做個紀念，送甜品時待應都會唱首生日歌。食落好濃郁嘅朱古力蛋糕，食落濕潤，仲有少少流心朱古力，有D Brownie Feel。但有D過甜對我黎講，食幾啖就開始漏。
Berkshire Pork Chop
8 views
0 likes
0 comments
Berkshire Pork Chop
$328
19 views
0 likes
0 comments
★★★★☆
其實主要黎呢間餐廳都係想食佢呢個黑毛豬扒，價錢唔算便，但黎到見個份量都大同埋厚身，厚切豬鞍扒都燒到微焦表面，豬扒外面都幾帶深啡色，明顯係加左醃料再煎。輕輕切開都唔會話太乾身，但我覺得有少少熟左D，雖然佢食落都唔會有過ＵＮ情況，有肉汁。食落幾甜，似係Pork rib平時個醬汁但又帶D中式醬嘅感覺，但佢再甜啲，似加左蜜糖之類，個人覺得過甜，同埋有D搶左個豬本身味道。呢塊豬應該係靚，望落個肉同油脂分佈都係一層層，有點哂左。但整體食落係有水準，即使咁厚身都冇話太老、太生，但可能本身對佢預期再高啲，少些微失望！另外配菜薯條好食脆口新鮮炸；小蘿蔔、青蘋果、火箭菜沙律個醬汁都係帶甜加橄欖油，如果加埋Ｄ松子仁增加咬口會更好。
Aussie Punch $75
★★★★☆
熱情果、芒果、新鮮薄荷梳打，味道有啲似雜果賓治，但熱情果味好出，好飲好多。酸酸甜甜，唔覺唔覺等野食期間已經飲左半杯。
Kurant Dream$75
★★☆☆☆
有蘋果汁、青檬、檸檬水同埋Cranberry，飲落有少少利賓立味道，帶啲藥水味道，唔太喜歡。
🌟總括：環境裝潢氣氛都好適合慶祝生日、紀念日，雖然睇食評好多都話服務唔好，但今次又唔覺！因為對某D食物敏感，查問餐牌食物成分佢地都好有耐性解答，又問廚師，幫我地醬汁另上等。而且個SET LUNCH真係性價比好高，包咁多野食，仲要食物水準唔差幾好。整體上成餐飯質素幾好，下次都會再返黎食。
Post
