Video
Read full review
2021-05-22
102 views
NATURA:約朋友喺灣仔見面，即刻諗起試吓呢間新嘅Cafe，已經約3:30pm，點知都要等15分鐘😅入面門口位置有售賣counter, 無論小家品，小擺設，小盆景，或者小型永生花都有⋯⋯全店以自家品牌永生花做裝飾，有幾張枱仲有內置植物係枱中間，可惜我哋今次就坐唔到呢啲位啦！佢哋係自助形式，首先要自己出去俾錢叫嘢食，水同餐具都係自助嘅！不過食物就會送到你張枱食物方面🍽☕️*All day breakfast $158 唔包嘢飲，其實就偏貴，之前見食評不停話佢嘅食物麻麻，本身唔敢有太大期望，不過就出乎意外地覺地好食，首先佢比一般嘅all day breakfast多好多種蔬菜，又有黑松露炒日本蛋，Bagel 煙韌有口感，仲有麵包糠造成青苔造型釀喺大蘑菇入邊，雖然偏貴但總算滿意*Hojicha waffle $138唔係一般嘅造型，好似潛艇三文治咁，所以亦令到唔會成塊窩夫鋪滿忌廉容易變軟，焙茶窩夫算係比較特別，用北海道忌廉，所以味道比較香濃，襯托酸甜嘅芒果味道就覺得啱啱好佢嘅咖啡就分兩種唔同類型咖啡豆，你可以選擇nutty 或者floral. 我就選擇咗nutty嘅咖啡豆*Americano
約朋友喺灣仔見面，即刻諗起試吓呢間新嘅Cafe，已經約3:30pm，點知都要等15分鐘😅
入面門口位置有售賣counter, 無論小家品，小擺設，小盆景，或者小型永生花都有⋯⋯
全店以自家品牌永生花做裝飾，有幾張枱仲有內置植物係枱中間，可惜我哋今次就坐唔到呢啲位啦！
佢哋係自助形式，首先要自己出去俾錢叫嘢食，水同餐具都係自助嘅！不過食物就會送到你張枱
食物方面🍽☕️
*All day breakfast $158
唔包嘢飲，其實就偏貴，之前見食評不停話佢嘅食物麻麻，本身唔敢有太大期望，不過就出乎意外地覺地好食，首先佢比一般嘅all day breakfast多好多種蔬菜，又有黑松露炒日本蛋，Bagel 煙韌有口感，仲有麵包糠造成青苔造型釀喺大蘑菇入邊，雖然偏貴但總算滿意
*Hojicha waffle $138
唔係一般嘅造型，好似潛艇三文治咁，所以亦令到唔會成塊窩夫鋪滿忌廉容易變軟，焙茶窩夫算係比較特別，用北海道忌廉，所以味道比較香濃，襯托酸甜嘅芒果味道就覺得啱啱好
佢嘅咖啡就分兩種唔同類型咖啡豆，你可以選擇nutty 或者floral. 我就選擇咗nutty嘅咖啡豆
*Americano $40
味道不過不失
*Cafe Latte $45
心形拉花配上樹木型咖啡杯，感覺上即刻加分😂味道雖然冇乜特別，但起碼影相一流
Post
