海陽。居酒屋

Open Now

Now Closed

三文魚籽壽司就多數都好食的。個wasabi應該係現磨山葵泥，辣而不攻鼻，個人喺日本食過，幾喜歡山葵泥的清香~上菜時間有啲慢，食完個壽司之後等左5個字左右啲飯先上，食完飯個燒雞翼都未到😂兩個丼都有啲失望，個飯唔熱，有啲一Pat pat 太水了，份量對於女仔黎講啱啱好，但男朋友表示太少。豚肉肥瘦剛好，切得都算厚，幾有咬口，個醬汁好好味好香，但都係覺得唔值哩個價。鰻魚就都算不錯，油脂豐富，夠入味，都係衰係個飯度...同埋啲汁集中曬喺中間有啲偏咸個雞翼最後懷疑係漏左單...我地cancel左。男朋友完全唔夠飽😐環境&服務：環境氣氛加返少少分～環境比較暗，好有情調，好乾淨舒服。音樂好chill，西日合壁，黎食Sashimi/Sushi再飲野應該不錯的。仲有個新張優惠價$698 食omakase，哩個都有興趣下次黎試，俾多次機會佢。侍應們個個都好好笑容，好有禮貌。