Video
Read full review
2023-12-15
14 views
2023年11月27日 星期一今日收工之後約埋老婆喺觀塘等，一齊去行街買嘢，跟住發現裕民坊已經重建咗好耐，但係一直都冇機會行吓，所以行完之後順便喺嗰度食埋飯先走呢間餐廳就係坐落於裕民坊3樓，由門口睇落去已經覺得幾有氣氛，而且裝修得好有格調餐牌有提供二人套餐或者散叫，套餐有齊前菜、主菜、湯同飲品，價錢都唔算太貴，由於唔想花時間選擇，所以就要咗一個二人套餐，再另外加配甜品點完餐等咗冇幾耐，餐湯就送到，係忌廉粟米湯，每一啖都食到粟米蓉，熱辣辣幾甜，而且個湯幾濃郁，食完成個身暖晒之後有前菜意大利風乾火腿拼盤，裡面分別有24個月既巴馬火腿、莎樂美腸、寇帕火腿同新鮮提子，火腿同莎樂美腸夠晒鹹香，配埋提子一齊食，甜度同鹹度平衡得啱啱好之後有我哋另外點嘅小食，炸魷魚圈配他他醬，一咬落去就脆卜卜，炸漿好薄而裡面既魷魚圈肉質好厚身，但一啲都唔韌呢個係白鯷魚茄子蓉多士，之前從來未試過食白鯷魚，估唔到鹹鹹地幾開胃，而且同茄子幾夾，加埋多士一齊食落去脆卜卜終於到主菜登場，先黎有慢煮牛面頰番紅花意大利飯，上面仲有巴馬臣芝士添，所以味道好足夠，牛面頰煮得好腍，唔需要太用力都可以切開，肉味好香濃，至於意大利飯就煮得好
今日收工之後約埋老婆喺觀塘等，一齊去行街買嘢，跟住發現裕民坊已經重建咗好耐，但係一直都冇機會行吓，所以行完之後順便喺嗰度食埋飯先走
呢間餐廳就係坐落於裕民坊3樓，由門口睇落去已經覺得幾有氣氛，而且裝修得好有格調
餐牌有提供二人套餐或者散叫，套餐有齊前菜、主菜、湯同飲品，價錢都唔算太貴，由於唔想花時間選擇，所以就要咗一個二人套餐，再另外加配甜品
點完餐等咗冇幾耐，餐湯就送到，係忌廉粟米湯，每一啖都食到粟米蓉，熱辣辣幾甜，而且個湯幾濃郁，食完成個身暖晒
之後有前菜意大利風乾火腿拼盤，裡面分別有
24個月既巴馬火腿、莎樂美腸、寇帕火腿同新鮮提子，火腿同莎樂美腸夠晒鹹香，配埋提子一齊食，甜度同鹹度平衡得啱啱好
之後有我哋另外點嘅小食，炸魷魚圈配他他醬，一咬落去就脆卜卜，炸漿好薄而裡面既魷魚圈肉質好厚身，但一啲都唔韌
呢個係白鯷魚茄子蓉多士，之前從來未試過食白鯷魚，估唔到鹹鹹地幾開胃，而且同茄子幾夾，加埋多士一齊食落去脆卜卜
終於到主菜登場，先黎有慢煮牛面頰番紅花意大利飯，上面仲有巴馬臣芝士添，所以味道好足夠，牛面頰煮得好腍，唔需要太用力都可以切開，肉味好香濃，至於意大利飯就煮得好煙靭，食落去唔會覺得好硬
另一個主菜就係新鮮波士頓龍蝦意粉，配以蕃茄同羅勒，意粉煮得好彈牙，每一啖都食到蕃茄同羅勒嘅香味，而龍蝦雖然只有半隻，不過龍蝦肉都有唔少，同樣地煮得啱啱好，唔會好韌
最後甜品方面我哋分別要左奶凍配百香果醬同提拉米蘇，奶凍口感好幼滑，配埋百香果醬一齊食酸酸地可以消滯，而提拉米蘇就有好濃郁既咖啡香味，酒味唔算太出，唔飲酒既人都食到
最後埋單每人$300左右，性價比唔錯！！
Post
