Video
Read full review
2023-07-28
779 views
2023年7月11日 星期二呢排終於開始放長假，多咗時間陪屋企人，今晚就同老婆去到灣仔拍拖食飯喺QRE Plaza 選擇咗呢一間餐廳，由於我哋去到嘅時間尚早，餐廳仲未有太多客人，見到裏面裝修得幾有特色，環境幾浪漫，仲可以睇到好遠嘅風景餐廳有套餐可以點，一個價錢已經包左餐湯、餐前小食、主菜同甜品，不過最後我哋想食散叫menu既一啲菜式，所以就凈係點左一個小食，兩個主菜同一個甜品等左大約20分鐘左右，第一道主菜就首先送上，係伊比利亞黑毛豬配蒜蓉辣汁，黑毛豬煮得岩岩好，十分容易切開同有好多肉汁流出嚟，肉質好腍而且好入味，唔會太辣又幾惹味，配菜係焗薯都整得唔錯，外皮有少少焦，幾脆口另一個主菜就係法國鴨胸配橙醬，鴨胸呈現粉紅色，代表完全無煮過熟，入口有好濃郁既鴨香同橙醬既甜，配合得唔錯，而配菜有粟米芯、紅蘿蔔同焗薯仔粒等等，份量都幾多，咬落去仍然充滿水份呢個side dish係Garlic Creamy Mushroom，每粒蘑菇都包滿左蒜蓉白汁，味道唔會太鹹，果然適合作為配菜最後甜品我地點左tiramisu，但最特別既係呢間餐廳整左個烏龍茶口味，一咬食落去已經有茶香，食落唔會太甜，仲解去主菜既
呢排終於開始放長假，多咗時間陪屋企人，今晚就同老婆去到灣仔拍拖食飯
喺QRE Plaza 選擇咗呢一間餐廳，由於我哋去到嘅時間尚早，餐廳仲未有太多客人，見到裏面裝修得幾有特色，環境幾浪漫，仲可以睇到好遠嘅風景
餐廳有套餐可以點，一個價錢已經包左餐湯、餐前小食、主菜同甜品，不過最後我哋想食散叫menu既一啲菜式，所以就凈係點左一個小食，兩個主菜同一個甜品
等左大約20分鐘左右，第一道主菜就首先送上，係伊比利亞黑毛豬配蒜蓉辣汁，黑毛豬煮得岩岩好，十分容易切開同有好多肉汁流出嚟，肉質好腍而且好入味，唔會太辣又幾惹味，配菜係焗薯都整得唔錯，外皮有少少焦，幾脆口
另一個主菜就係法國鴨胸配橙醬，鴨胸呈現粉紅色，代表完全無煮過熟，入口有好濃郁既鴨香同橙醬既甜，配合得唔錯，而配菜有粟米芯、紅蘿蔔同焗薯仔粒等等，份量都幾多，咬落去仍然充滿水份
呢個side dish係Garlic Creamy Mushroom，每粒蘑菇都包滿左蒜蓉白汁，味道唔會太鹹，果然適合作為配菜
最後甜品我地點左tiramisu，但最特別既係呢間餐廳整左個烏龍茶口味，一咬食落去已經有茶香，食落唔會太甜，仲解去主菜既油膩感，食完成個口即刻無咁油
埋單雖然唔係食左好多野，不過呢幾道菜都唔錯，而且環境真係一流
Post
