大喜家日本料理 (Closed)

今晚同朋友兩個黎撐台腳，環境出乎意料地舒適。一般放題餐廳都比較狹窄及擠逼，而大喜家地方寬敞、燈光明亮，每台食客都有充足既私人空間，值得一讚。大喜家中央位置設有自助沙律吧、醬料吧及清酒任飲。醬汁除一黎沙律醬、日式醬油等，更有意大利黑醋汁，種類都幾齊。食物種類都算豐富，由刺生、炸物、壽司及湯品等都有供應，睇到人眼花撩亂。魚生唔錯，全部都幾新鮮，尤其帶子特別鮮甜，忍唔住再叫多一碟。呢度既甜蝦都幾有特色，係原隻甜蝦上既。壽司頗精緻，呢款黑松露帶子壽司既松露香味非常濃郁，配合帶子的甜美，值得一試。另外，多款於平常日式料理餐廳有售既壽司都可以係度搵到，好似海膽、芥末八爪魚等都有，味道亦不錯。小食選擇雖然唔算特別多，但勝在樣樣都保持水準！