Video
Read full review
2024-02-29
20 views
《夢亞萊泰國餐廳》 洪水橋一間藍色兩層嘅小屋，仲有個花園位，透露著悠閒嘅感覺，有種遠離煩囂嘅感覺。餐廳可以選擇室內同室外，一入門口就已經有個泰味十足嘅打卡位，而且天台仲有個大月亮燈飾，勁Chill。 蒜蓉包 HKD$58小食款式多，蒜蓉包一份6條，一上菜就已經嗅到濃濃嘅蒜蓉牛油味，勁香！每條蒜蓉包都份量大而且均勻沾上蒜蓉牛油，而未有滲透成條麵包條，口感外脆內軟，香口得黎又唔會過於油膩，性價比高！ 炸蝦餅 HKD$68熱辣辣嘅炸蝦餅，配上酸酸甜甜嘅醬汁，解膩又野味，最重要係肉多而炸粉少。 冬蔭功湯(大) HKD$198唔好見佢又紅又有D油浮面就以為好辣又油膩，呢個湯係我呢間餐應嘅第二最愛。材料多，香茅味特出得黎又唔會太搶，辣辣地加埋蕃茄酸酸甜甜嘅味道，香滑易入口得黎又唔會油膩，有種飲完唔夠喉要一飲再飲嘅魔力。 泰式檸檬明爐魚鍋 HKD$198我嘅第一位！私心推介黎到呢度必食呢個泰式檸檬明爐魚鍋！泰式餐廳有呢個菜式並唔出奇，然而咁捨得以呢個價錢俾條咁厚肉嘅烏頭就好少見啦！成條魚漲卜卜得黎仲要新鮮，剁到好碎嘅蒜粒同埋辣椒仔，加埋青檸汁，真係愈食愈開胃，加埋D湯汁，每啖魚肉都醮埋醬汁，越食越上
洪水橋一間藍色兩層嘅小屋，仲有個花園位，透露著悠閒嘅感覺，有種遠離煩囂嘅感覺。餐廳可以選擇室內同室外，一入門口就已經有個泰味十足嘅打卡位，而且天台仲有個大月亮燈飾，勁Chill。
蒜蓉包 HKD$58
小食款式多，蒜蓉包一份6條，一上菜就已經嗅到濃濃嘅蒜蓉牛油味，勁香！每條蒜蓉包都份量大而且均勻沾上蒜蓉牛油，而未有滲透成條麵包條，口感外脆內軟，香口得黎又唔會過於油膩，性價比高！
炸蝦餅 HKD$68
熱辣辣嘅炸蝦餅，配上酸酸甜甜嘅醬汁，解膩又野味，最重要係肉多而炸粉少。
冬蔭功湯(大) HKD$198
唔好見佢又紅又有D油浮面就以為好辣又油膩，呢個湯係我呢間餐應嘅第二最愛。材料多，香茅味特出得黎又唔會太搶，辣辣地加埋蕃茄酸酸甜甜嘅味道，香滑易入口得黎又唔會油膩，有種飲完唔夠喉要一飲再飲嘅魔力。
泰式檸檬明爐魚鍋 HKD$198
我嘅第一位！私心推介黎到呢度必食呢個泰式檸檬明爐魚鍋！泰式餐廳有呢個菜式並唔出奇，然而咁捨得以呢個價錢俾條咁厚肉嘅烏頭就好少見啦！成條魚漲卜卜得黎仲要新鮮，剁到好碎嘅蒜粒同埋辣椒仔，加埋青檸汁，真係愈食愈開胃，加埋D湯汁，每啖魚肉都醮埋醬汁，越食越上癮，好似置食於泰國先食到嘅地道嘅味道。
泰式蝦球炒金邊粉 HKD$108
一眼就覺得呢個菜式個樣好得意！金邊粉炒得有鑊氣而乾身，條條上色均勻，大大粒蝦肉，而且數量多又彈牙，再配上花生粒、砂糖、碎紅辣椒同新鮮青檸，將佢地撈埋一齊，口感同屠次豐富，夾雜著甜甜地嘅味道，又好有新鮮感。
椰青沙冰 HKD$58
每啖都有椰香味，而且上面仲有D椰肉喺度TIM
特級椰青 HKD$52
清涼解喝首選
Post
