FAMA (Closed)

今日返工去咗太和開會，就順路同同事喺附近食個午餐😀見到有間cafe好似唔錯~一於試吓先。入到去餐廳空間好大、好空曠，窗外望山景，感覺好舒服。而且價錢都好抵食，所以我哋叫左超多嘢食🤗雞扒意粉 $70超大塊雞扒，仲連埋雞髀骨，啖啖肉，而且雞肉夠滑😜🍗份量足。意粉🍝硬度適中，有咬口，抵食。烤羊扒 $80有2隻大大件，羊架出去食一向比較貴，呢到大大件，好看羊味，側面有少少焦脆，上面有好多香草，配薯條🍟脆卜卜。瑞士雞翼 $58有8隻，真心好抵食，仲配薯條。雞翼煮得好淋，易咬😜卡邦尼長通粉 $58芝士好多☺️中規中矩，份量都ok富士山下西多士 $48雪糕本身雪得超凍，所以放上熱辣辣西多士後，都唔會溶得太快，可以享受凍冰冰雪糕🙂🍦糖漿另上，有得控制份量，唔驚太甜。