I Leisure (Closed)

新開嘅I Leisure係一間餐吧形式嘅餐廳，同朋友嚟飲杯酒食吓消息，環境又靚打下卡真係唔錯！海鮮搖盤 5款海鮮$588平時海鮮凍盤就食得多，Shake Shake海鮮搖盤真係第一次食。shake shake用嘅醬汁係餐廳獨創嘅馬來西亞特色辣汁，我地今次叫咗小辣（有大中小辣可以揀）小小辣得嚟好香口，滿滿的蒜香。我哋今次食嘅五款海鮮包括鮑魚、花甲、扇貝、象拔蚌及大蝦。海鮮新鮮，配上特製醬汁，好惹味；仲有粟米、腸仔等配料，大堆頭食到好飽。店員仲好貼心提供即棄手套，唔怕食到污糟。麻辣小龍蝦 $188小龍蝦本身肉唔多，不過蝦頭有膏可以啜吓。麻辣醬汁令人驚喜，本來諗住西式餐廳嘅麻辣汁都係小兒科，不過原來麻辣係接近中辣程度，辣得好過癮，香料都好足唔會淨係得個辣字。不過呢個醬汁已經set好咗辣度，所以唔食得辣嘅朋友要留意返椒鹽雞翼 $98味道偏濃，有點似避風塘風味，好適合做佐酒小食。雞翼size適中，肉質外脆內滑另外值得一讚係所有員工都好有禮貌，服務好好👍🏻