牛知己 (Closed)

元朗新開嘅火鍋鋪，近朗屏西鐵站，世宙地下，地店方便☺同普通火鍋店唔同，呢間係主打韓式火鍋，價錢仲要同平時嘅任食火鍋差不多！！餐廳裝修十分漂亮乾淨，地方寬敞，同朋友都坐得好舒服。湯底都睇得出著重韓式，我地揀左海膽海帶湯。所有餐具都好韓式，別有一番風味。湯底夠香濃，海膽粒隨處可見，火鍋配料可以出去自己夾，丸類、海鮮同追加牛的話可以透過pad落餐！我地仲額外叫左安格斯牛小排、炸雞同黑糖水正果，特別推介安格斯牛小排，油脂均勻又大塊，食落亦充滿牛香味，好快就比我地清晒。👍🏻👍🏻👍🏻雖然係主打邊爐，但炸雞絕不可睇小！佢有一條電動送餐嘅軌道，送炸雞過黎特別吸睛。炸雞表面炸得金黃色，而且有幾種味道，個人喜歡原味炸雞，香脆可口。最後埋單大概每人$200多d，食到飽晒非常滿足。