Video
Read full review
2017-07-26
424 views
啤酒魚柳拼美國薯條$73魚柳都幾大條，脆卜卜，但我完全食唔到啤酒既感覺，做到外脆內嫩既效果。薯條好脆，偏硬身，食落咸咸地。兩者都偏油，因為將佢地放在碟度一陣，就成個碟都係油，呢樣要改善一下。另外佢配既茄汁個味同平時食開既唔同，帶有少少咸味，有D怪，因為本身薯條已經係咸咸地，所以唔多夾。芝士薯波$50每一粒薯波都有芝士醬，個薯波好紮實，絕對唔係空氣果種，好足料，好皮好脆，絕對係即叫即整，新鮮熱辣。個牆係車打芝士?!似芝士圈(紫色包裝零食)，係好食既。三重芝士炸蝦pizza$110有四隻炸蝦，芝士都做到牽絲既效果，但無芝士薯波既芝士味咁勁。配料都唔多，呢個價錢就唔太抵食喇，又無太大特色。凍蘋果柚子茶$38;凍芒果蜜桃荼$38;凍櫻花荔枝茶$38好奇櫻花係咩味，真係試唔出，純粹多塊花瓣?!熱香蕉朱古力$40好濃香蕉味，但口感又唔係好濃，唔會太飽肚。熱伯爵茶$35;熱荔枝玫瑰茶$35個茶包都幾貴(XD)聞落好甜，飲落好清。環境幾舒服，燈光柔和，椅子係木既，但好貼心有塊墊墊住，坐得耐都唔會唔舒服。眼見門口有人等位，又發覺自己食野進度有D慢，會唔好意思，但值得一讚既係佢無催我地、比壓力我地，呢種悠
魚柳都幾大條，脆卜卜，但我完全食唔到啤酒既感覺，做到外脆內嫩既效果。薯條好脆，偏硬身，食落咸咸地。兩者都偏油，因為將佢地放在碟度一陣，就成個碟都係油，呢樣要改善一下。另外佢配既茄汁個味同平時食開既唔同，帶有少少咸味，有D怪，因為本身薯條已經係咸咸地，所以唔多夾。
芝士薯波$50
每一粒薯波都有芝士醬，個薯波好紮實，絕對唔係空氣果種，好足料，好皮好脆，絕對係即叫即整，新鮮熱辣。個牆係車打芝士?!似芝士圈(紫色包裝零食)，係好食既。
三重芝士炸蝦pizza$110
有四隻炸蝦，芝士都做到牽絲既效果，但無芝士薯波既芝士味咁勁。配料都唔多，呢個價錢就唔太抵食喇，又無太大特色。
凍蘋果柚子茶$38;凍芒果蜜桃荼$38;凍櫻花荔枝茶$38
好奇櫻花係咩味，真係試唔出，純粹多塊花瓣?!
熱香蕉朱古力$40
好濃香蕉味，但口感又唔係好濃，唔會太飽肚。
熱伯爵茶$35;熱荔枝玫瑰茶$35
個茶包都幾貴(XD)聞落好甜，飲落好清。
環境幾舒服，燈光柔和，椅子係木既，但好貼心有塊墊墊住，坐得耐都唔會唔舒服。眼見門口有人等位，又發覺自己食野進度有D慢，會唔好意思，但值得一讚既係佢無催我地、比壓力我地，呢種悠閒既步伐好舒服。
Post
