香辣車仔麵

Open Now

Now Closed

今日嚟到呢間非常之出名嘅車仔麵舖，真係一間非常之地道嘅車仔麵店。遠睇都非常之亮眼，就喺條食街入面，第一間就係啦之前已經聽好多朋友介紹呢一間，今次有心機特登過嚟搵，發現原來都唔係咁難搵。入到黎環境雖然唔係好大，但係其實都坐得好舒服，係正宗香港特色嘅店舖，好有人情味嘅感覺，牆壁上面亦都有好多唔同嘅專訪，亦都可以俾你了解到呢度有啲咩特色。我自己首先就叫咗無骨鳳爪，呢個係我最鍾意嘅小食，辣辣酸酸咁樣好開胃。腩肉豬大腸滷水雞翼蘿蔔生菜亦都係必備嘅，要睇吓間車仔麵做得好唔好食我自己最鍾意就係睇豬大腸，因為豬大腸如果要做得好食其實唔係咁容易，口感同埋味道都非常之重要，呢一間真係做到非常之入味。