Lagom Kaffe (Closed)

一向都好鍾意同朋友去cafe食野, 位於觀塘既呢間Lagom Kaffe , 空間夠大, 枱與枱之間距離好闊, 側邊有一大片落地玻璃, 感覺非常舒服, 啱晒同朋友嚟吹水chill下. 有養寵物既我發現呢到係戶外寵物友善, 朋友聚又得狗狗聚又得, 仲有埋狗狗鮮食餐㖭, 非常貼心. 香煎帶子黑松露什菌意粉 $128意粉煮到剛剛好Al dente, 黑松露忌廉汁非常creamy, 食既時侯每一啖都充滿松露香, 帶子又唔會煮到過熟太乾身, 而係剛好外面金黃色內裡仍然鮮嫩. (生酮)燒紐西蘭牛柳配牛油果南瓜雞蛋沙律 $128餐牌非常全面地照顧埋奉行緊生酮飲食既朋友 ,沙律份量都幾大碟, 牛柳唔柴非常juicy, 南瓜粒都好甜好好食, 沙律菜亦都夠新鮮, 配搭埋小許沙律醬, 係配料非常豐富既沙律. 水牛城雞翼 $68雞翼本身炸得香脆, 而且夠大隻厚肉, 加上面頭佈滿酸香微辣既水牛城醬, 味道濃郁, 十分惹味.草莓吉士撻 $48面頭既士多啤梨夠哂大粒又非常香甜, 撻皮唔會太厚夠脆, 中間層吉士醬夠滑又唔會太甜, 做飯後甜品剛剛好.