舍 (Closed)

今日朋友帶我去到IFC連卡佛裡面有間食中菜的餐廳。餐廳名為 “舍”。舍…雖然 "舍" 係一間食中菜為主餐廳, 但裝修就好西式的. ，而且仲有好多不同酒精飲品。入到去都以為係食西餐。環境非常舒適，坐位寬敞舒服。好適合三五知己食完晚飯, 叫返杯酒, 把酒談心. 亦有戶外坐位，如果天氣好，坐戶外都係一個唔錯選擇。因為可以睇晒維港景色。望望餐牌，叫d比較特別嘅點心香檳金蝦餃~蝦餃皮係偏粉紅色，好靚呀！皮薄餡靚，蝦肉爽口，仲要加上金箔，整粒蝦餃賣相幾靚。流心紫蕃薯~用咗一隻特別設計嘅大匙羹戴坐紫薯，切開後已爆漿流心紫薯餡，好流心呀！食落味道帶出香香嘅紫薯味道。椒鹽豆腐~外脆內滑，細細粒，好快就已經KO晒了招牌花膠滋補養生鍋（細）有2件大大片花膠，龍眼肉，蟲草花，杞子，乾螺頭，豬肉燉製12個鐘而成的。用料豊富。整個湯味道濃郁，湯絕對唔油。好香龍眼肉味道。花膠好有骨膠原。標明無加味精, 啱晒女士們飲。蜜汁黑豚肉叉燒~賣相十分吸引, 用火爐烘住的 。厚薄適中，肥瘦分明，肉質軟，豬味香，蜜汁亦唔會太甜太傑。秘製龍蝦炒麵~原隻龍蝦切件配上香噴噴炒麵，龍蝦有炸過的, 而且炸得剛好 。保留咗肉質嫩又啖啖肉，炒