紅蔥頭 (Closed)

今日收工既時候落大雨，咁就唯有去朗豪坊避雨同朋友行下行下，就去到一間頗有情調既西餐廳一睇，價錢又唔係貴喎於是就同朋友入去試下！入到去，餐廳都差不多坐無虛席我地被安排去坐一張卡位張梳化好闊落，坐得好舒服隔離有個area有個蠟燭仔係枱面，非常有情調，適合和情侶二人世界！我地一行三人叫左四樣野食第一樣係前菜，叫做鐵板上的蝸牛（法式香草牛油焗田螺），賣相很精緻，薯蓉好細滑，配合埋田螺一齊食，好夾！好好味！主菜我地叫左忌廉汁黑松露煙三文魚天使麵、芝士焗蜜桃汁去骨雞腿飯，同埋鐵板度西冷拼雞扒。先講鐵板，份量好夠，味道都好唔錯焗飯既蜜桃汁比較特別，係出面唔容易試到，成個焗飯好juice，唔會有乾既感覺天使麵既黑松露味好出，岩晒中意黑松露味既我，加埋一塊大大塊既三文魚，正！總結黎講，呢間餐廳既環境同食物質素都偏高，價錢就定係一個親民既位置，唔錯，絕對值得再黎！題外話，見到隔離枱叫左一份ribs，好大份，下次一定會試！