& green (Closed)

終於又到了週末，有時間可以到外面享受下人生。今次搵到呢間 Cafe 對我而言都算幾隱世，雖然位於紅磡黃埔附近，但鄰近唔算係行人經常會經過嘅地方，當然除左住係呢度嘅居民同埋理大宿生啦~環境：呢度地方算大，而且裝修有啲格調，幾時尚。枱嘅擺法亦幾新鮮，唔會比到人一般沉悶嘅感覺。試想像，如果係度叫杯咖啡，睇下書，相信呢個下午一定會係一個好嘅下午！食物：老老豆豆，選擇唔係十分多同吸引，當日就叫左一個 All Day Breakfast 同埋一份 Pancake 同兩杯飲品，就係咁多。整體食物質素一般，咖啡同樣，不過勝在份量夠多，足夠比你返成個下晝！All Day Breakfast ：普通 All Day Breakfast ，冇乜特別之處。本身應該係跟牛角包，不過賣哂只可以轉牛油多士。Chocolate Banana Pancake ：呢個真心一般，唔建議大家叫。我哋叫左五分鐘都冇就同 All Day Breakfast 一齊上，就知中伏，點知食落真係果啲係超級市場買嘅即食 Pancake ，食落太厚身，完全唔夠鬆化，但係重點係呢個竟然賣緊七十幾蚊，真心唔抵。