Video
Read full review
2014-07-29
3514 views
開業短短半個月已經第二次黎食！今次我地成廿幾個人，所以包起咗VIP房！房間非常闊落，有兩大張12人枱，同時打4個爐，有衣櫃放袋唔怕焗到一朕雞煲味而且有一個私家廁所，夠晒private!最低消費都只係4000大洋，非常合理聽侍應講房個大電視仲有好多now呀果啲收費台睇，不過我地專心食飯就冇開到啦一落座就送上兩款小碟前菜～土絲一入口異常麻辣！問及原來等同雞煲中至大辣，唔怪得我受唔住啦LOL不過非常爽脆，忍唔住夾完又夾！鍋底有3款，我地當然叫晒啦！我坐果邊就食椰子雞煲新鮮雞果然寧舍不同！店員話滾水落，等再水滾後熄火等十分鐘食係最滑最香我本來心諗新鮮雞其實點煮都唔會太差，所以都唔覺驚奇，但放入口發現雞味濃、肉質滑就不在話下，仲帶微微甜味！飲一飲淡湯，就知道椰子湯底居功不少而且打咗成粒鐘發現到舊漏網之雞，都仍然好滑！除咗湯底，驚喜竟然陸續有來！我地平平地叫幾支藍妹，店員竟然端上呢個：公！雞！碗！一隻雪到凍冰冰嘅公雞碗！當然，幾個字後已經變番室溫，但都見到心思用碗飲真係格外豪氣（亦都飲得格外多另一好食前菜係鬼馬油炸鬼！新鮮炸好，外面鬆脆，內裏彈牙！不過啲蟹籽一夾起就跌晒啦sosad火鍋配料食咗實在
今次我地成廿幾個人，所以包起咗VIP房！
房間非常闊落，有兩大張12人枱，同時打4個爐，有衣櫃放袋唔怕焗到一朕雞煲味
而且有一個私家廁所，夠晒private!最低消費都只係4000大洋，非常合理
聽侍應講房個大電視仲有好多now呀果啲收費台睇，不過我地專心食飯就冇開到啦
一落座就送上兩款小碟前菜～
土絲一入口異常麻辣！問及原來等同雞煲中至大辣，唔怪得我受唔住啦LOL不過非常爽脆，忍唔住夾完又夾！
鍋底有3款，我地當然叫晒啦！我坐果邊就食椰子雞煲
新鮮雞果然寧舍不同！店員話滾水落，等再水滾後熄火等十分鐘食係最滑最香我本來心諗新鮮雞其實點煮都唔會太差，所以都唔覺驚奇，
但放入口發現雞味濃、肉質滑就不在話下，仲帶微微甜味！
飲一飲淡湯，就知道椰子湯底居功不少
而且打咗成粒鐘發現到舊漏網之雞，都仍然好滑！
除咗湯底，驚喜竟然陸續有來！
我地平平地叫幾支藍妹，店員竟然端上呢個：
公！雞！碗！一隻雪到凍冰冰嘅公雞碗！當然，幾個字後已經變番室溫，但都見到心思
用碗飲真係格外豪氣（亦都飲得格外多
另一好食前菜係鬼馬油炸鬼！新鮮炸好，外面鬆脆，內裏彈牙！不過啲蟹籽一夾起就跌晒啦sosad
火鍋配料食咗實在太多，不能盡錄！其中我覺得最好食嘅反而係幾款基本菜色：
手切肥牛非常新鮮！純對唔係冰鮮牛可以比擬！不過相對每碟質素會比較浮動，要撞下手神，但新鮮野又點會全部一式一樣呢？
店員話墨魚面係師傅手打，我絕不質疑！個人認為難就難唧啲，不過一落鍋好快熟，係彈牙到飛起！！！！
不過要配啲醬料，否則較淡
呢個水餃見佢成$98先得8粒，都好質疑自己係咪揀錯餸原來呢個水餃都幾唔平凡！加入咗花生醬，令裏面嘅豬肉更好味
另外有一個好食到一上枱就被秒殺，連相都影唔到嘅即炸響鈴！
上碟會附帶一碟仔梅醬，點黎食又得，浸湯食又得
個人比較欣賞點醬食，因為真係炸得非常鬆脆，食到sap sap聲~
洛神花茶同夾心綿花糖亦係較少有菜色！
花茶甜而不膩；綿花糖就搽咗朱古力然後用餅夾住，集軟滑同脆於一身~
其他食物整體上令人滿意，侍應亦耐心介紹每款菜色同食法！
不過可能初開張人手未夠，未必隨傳隨到，需要些少耐性等候，希望可以盡快改善！
Post
