醉翁亭火鍋館 (Closed)

今日係入冬最凍既一日，去左打邊爐，人雖然比平時多，但係坐得好舒服，起碼唔係櫈撞櫈。黎到有侍應介紹個任食火鍋，298蚊加一，仲有個靚牛肉，新鮮海鮮盤，加個魚生，其他就自己剔黎叫，個鮮牛好厚身，好香，充滿左牛味，海鮮啲蚌又大隻又厚，無得彈。任食方面我叫左個四寶丸，個手打牛丸真係好香好彈牙。樣樣打邊爐菜式都格外好味，雖然價錢比一般放題貴，但係起碼侍應有禮，服務週到，有問必答，食物環境都一流，一定會再黎。