Video
Read full review
2022-05-10
51 views
今日同朋友一齊黎到哩間日本餐廳食omakase～餐廳環境雅致舒適，吧枱搵能夠望到廚師製作壽司既過程，超鍾意佢既桌墊同餐碟，真係超靚超有質感💕而且餐廳仲會提供熱毛巾比客人抹手，真係好有日本既感覺🇯🇵餐廳會提供口罩套，店員服務亦好好，會因應你既需要加茶，亦會仔細介紹食品。餐廳既omakase套餐有三款，今次我同朋友都叫左$1280哩款～✨秀 18品 Omakase $1280🔸前菜：汁煮子持烏賊烏賊爽口彈牙，裏面充斥住滿滿既烏賊籽，味道香濃微黏口；昆布爽脆，淋上醋後，微酸開胃，係一道幾出色既前菜，旁邊附有Wasabi可以自行調味。🔸大入島蠔生蠔上面有魚子醬作點綴，而且廚師會用清酒輕輕煮一煮生蠔，所以入口會有淡淡既清酒味，生蠔新鮮，質感較為creamy一啲，味道帶有海水既微咸。🔸鰹魚鰹魚係厚切既，非常新鮮，質感軟腍無筋，面層放上微甜既洋蔥汁，正正能提升魚肉既鮮味，好食推介👍🏻🔸大拖羅哩個真係超好味❗️因為經過兩個月既熟成，所以魚肉會較有質感，油脂相當豐溢，咬幾下已經係半融狀態，滿口油脂真係幾正❤️上面仲有啲芥末子，好食推介👍🏻🔸螢光魷魚蔥漬碟內有三隻原隻螢光魷魚，魷魚質感爽彈，非常新鮮。🔸牡丹蝦
餐廳會提供口罩套，店員服務亦好好，會因應你既需要加茶，亦會仔細介紹食品。
餐廳既omakase套餐有三款，今次我同朋友都叫左$1280哩款～
✨秀 18品 Omakase $1280
🔸前菜：汁煮子持烏賊
烏賊爽口彈牙，裏面充斥住滿滿既烏賊籽，味道香濃微黏口；昆布爽脆，淋上醋後，微酸開胃，係一道幾出色既前菜，旁邊附有Wasabi可以自行調味。
🔸大入島蠔
生蠔上面有魚子醬作點綴，而且廚師會用清酒輕輕煮一煮生蠔，所以入口會有淡淡既清酒味，生蠔新鮮，質感較為creamy一啲，味道帶有海水既微咸。
🔸鰹魚
鰹魚係厚切既，非常新鮮，質感軟腍無筋，面層放上微甜既洋蔥汁，正正能提升魚肉既鮮味，好食推介👍🏻
🔸大拖羅
哩個真係超好味❗️因為經過兩個月既熟成，所以魚肉會較有質感，油脂相當豐溢，咬幾下已經係半融狀態，滿口油脂真係幾正❤️上面仲有啲芥末子，好食推介👍🏻
🔸螢光魷魚蔥漬
碟內有三隻原隻螢光魷魚，魷魚質感爽彈，非常新鮮。
🔸牡丹蝦
牡丹蝦新鮮彈牙，蝦肉經過花雕酒醃製，花雕酒味道非常突出。
🔸炸金鯛
哩個炸金鯛超有驚喜❗️佢係連埋魚鱗一齊炸，魚鱗炸得超香脆，魚肉勁嫩滑，真係好好味！最底有蜜糖芥末醬，醬汁同魚肉既味道相當夾，超好食推介👍🏻
🍣壽司
壽司師傅已經調好左味道，無需再點任何醬汁。
🔸櫻鱒
櫻鱒非常新鮮，質感軟腍，而且充滿油脂感，魚肉上面放上少許蔥醬，蔥味亦相當突出。
🔸赤貝
赤貝超新鮮爽彈，入面加上蛋黃醋、檸汁及岩鹽，味道層次豐富，真係幾特別又好味。
🔸醬油漬赤身
赤身肉質較厚，質感較為扎實一啲，入面加上黃芥末及少許大蔥碎。
🔸松露野箘蒸蛋
食到中途會上蒸蛋俾客人請一清口腔，蒸蛋超超超滑，勁香松露既味道，配上野箘味道相當唔錯。
🔸馬糞海膽
馬糞海膽真係不得了❗️超級鮮甜，一放入口完全係口腔融化，一啲都唔會腥，神級好味！配有炸紫菜做底，面層放上少少豉油提鮮，超好味推介👍🏻
🔸昆布左口魚
左口魚夠新鮮，底下仲有燒過既裙邊，帶有燒過既香氣，而且入口油脂亦幾豐富。
🔸油坊主
油坊主既質感好特別，而且油脂豐富，咬幾下都已經接近半融既狀態，魚肉加上蒜同豉油，而且經過煙燻（廚師會係你面前打開煙燻瓶，好啱打卡📸️）但油坊主既味道都唔會濃重，有調味既情況下仍然保留魚既鮮味。
🔸拖羅手卷
師傅會專登你需要正常飯量定係小飯，非常貼心！裏面有滿滿既拖羅蓉，真係超滿足！
🔸江戶前玉子
江戶前玉子無添加麵粉，但外型同味道都好似芝士蛋糕咁，質感濕潤，空氣感滿滿，而且充滿蛋香。
🔸鮑魚羽太清湯
魚湯味道清新，暖笠笠飲落超舒服，鮑魚新鮮彈牙，已經切片，而羽太即係我地理解既班，魚肉嫩滑細緻，仲有少許柚子皮，帶有少少柚子香氣。
🔸靜岡蜜瓜，佐賀柑桔
蜜瓜清甜爽脆；柑桔酸甜多汁，完全無核。
整體黎講，餐廳環境雅緻舒適，食物質素相當高，真係每一樣都好好食！仲有好幾款係超有驚喜！真係幾推介大家試下，完全係慶祝生日或者紀念日既好選擇💕
Post
