Coffeelin (昌明街)

Open Now

Now Closed

平時好少去跑馬地既我其實係一個路痴，唔係因為幫朋友做野都唔會入到黎咁遠，咁幫完佢手係佢介紹下黎左coffeelin黎食(當然係佢請)。一入去就有staff走黎scan個安心出行同埋陣陣既咖啡香味迎接我地，scan完就帶我地埋位，雖然地方唔係好大，不過位同位之間唔會好迫，肥仔既我都暢通無阻。坐底左就叫野食，叫左個Duck Ragu，鴨肉唔好靭又夠入味，個茄汁唔會太酸，個寬管麵夠彈牙。之後黎得cafe，冇理由唔叫返杯coffee，我就叫左杯Dirty，漸變層整得好靚，放左一陣都冇化開，當然咖啡味都唔會差喇。食到咁上下有個黑實實既staff走過黎問我地叫唔叫返行cake，介紹左個Tiramisu 同 cheesecake 比我地，我自己就揀左個cheesecake，我個fd就揀左Tiramisu。最後一路食一路同個staff傾先知佢主要係夜晚做調酒，冇諗過開頭以為佢咁cool原來咁傾得，下次同fd夜晚飲野又多個地方。