芳華絕代 (Closed)

IG成日被芳華絕代嘅霓虹燈洗版，今次終於到我嚟試喇！餐廳樓高兩層，環境闊落舒適，打卡影相都唔怕會影到其他人泰式奶茶 $36叫咗少冰，飲落甜度適中，濃郁嘅奶香之中又有陣陣嘅茶香，茶同煉奶嘅沖泡比例對我嚟講啱啱好泰式豬頸肉沙律 $88豬頸肉燒到有少少脆邊，彈牙香口；沙律菜都夠新鮮，配埋啲酸酸辣辣嘅泰式醬汁，開胃清爽。鹽燒烏頭魚 $188好正，啖啖肉冇咩細骨，啱曬我呢啲懶得吐骨嘅人～鹽焗嘅做法令烏頭魚保持嫩滑多汁，一啲泥味都冇，鮮味十足！蛋醬黃咖哩醬炒酥脆軟殼蟹 配香酥餅 $128軟殼蟹炸得外脆內軟，份量都幾多，點埋啲香濃惹味嘅咖哩醬真係冇得輸。香酥餅香脆得嚟又有啲煙韌，重有濃濃嘅牛油香味，就噉食都好好食。西米糕布甸 $12本來好想試吓個「泰。多士」甜品，不過今餐食得太飽太豐富，所以就點咗個輕盈啲嘅甜品。細細杯嘅西米糕布甸，又滑又椰奶味，個底重有好多西米粒！芳華絕代最近重做緊幸運輪抽獎，食滿每$150就可以轉一次，大獎係$1000現金券！我哋就抽中咗海鮮冬陰公湯一份，可以下次用，btw真係好好奇「泰國空氣一包」係點有得食、有得玩，重有得打卡，成個體驗都幾開心，好適合同朋友家人嚟飲聚暢飲。