M2 Cafe (Closed)

星期日銅鑼灣行街搵地方食嘢，係sogo後面望到一個露台有閃燈，見到一間cafe上去試下，上到去原來可以選室內或露台，見天氣冇咁熱，而且我朋友係煙民當然坐露台，2個人叫了兩個意粉餐，兩個小食，意粉餐包埋餐前沙律菜（好新鮮），加錢轉了兩杯沙冰，爽呀，值得推介炸花枝丸同香辣蜜汁雞翼，花枝丸真係有花枝，雞翼辣味適中，我朋友叫了煙鴨胸意粉，我就叫了香蒜灠油意粉，兩個意粉以cafe 黎講都不錯，份量都足夠，下次都會再上去試其他，支持小店，睇得出呢間cafe用心做。