Video
Read full review
2021-09-14
30 views
又去荃灣躝街街 呢排終於得閒啲 即刻搵間bar chill下 同朋友摸下酒杯仔 呢間bar好近荃灣西鐵站 地方就腳 熱死辣辣行少啲就最開心成間bar氣氛超好 仲要坐得超級舒服 瞓係到都仲得 今次坐係live band位附近 可惜今晚無 曬咗個握手位 一坐低已經有爆谷食 個人認為爆谷咸咸地 係偏脆嘅口感 送酒一流 $15可以無限refill 坐係到食下爆谷飲下酒 好抵〰️〰️〰️西班牙油封鴨腿鴨髀份量唔算多 但兩個人share啱啱好 怕漏嘅人 可以點蘋果醬 好清新 唔會太甜又唔會太酸 呢道菜最impress就係滿滿嘅配菜 有羽衣甘藍 小蕃茄 薯仔粒 重點係質素一啲都唔差 蕃茄仔超級juicy 咬一啖 啲汁就瘋狂滴 薯仔粒都係新鮮炸起 唔會超淋 〰️〰️〰️蒜香牛柳粒朋友推薦 雖然係一口牛 但粒粒都脹卜卜 好靚仔 重點係好嫩好juicy 除咗用生蒜炒 仲有乾蒜做點綴 超惹味 〰️〰️〰️蒜香辣大蝦意粉呢間個人私心大推 上枱首先見到嘅係5隻大蝦 唔會有雪藏味 完全係啖啖肉 再嚟會見到啲蘆筍仔 因為未食過蘆筍仔 有啲驚會有陣青味 點知 完全唔會 好嫩 意粉煮得啱啱好 唔會太硬或者淋 好似講緊廢話咁 但真心呢個意
呢間bar好近荃灣西鐵站 地方就腳 熱死辣辣行少啲就最開心
成間bar氣氛超好 仲要坐得超級舒服 瞓係到都仲得 今次坐係live band位附近 可惜今晚無 曬咗個握手位
一坐低已經有爆谷食 個人認為爆谷咸咸地 係偏脆嘅口感 送酒一流 $15可以無限refill 坐係到食下爆谷飲下酒 好抵
〰️〰️〰️
西班牙油封鴨腿
鴨髀份量唔算多 但兩個人share啱啱好 怕漏嘅人 可以點蘋果醬 好清新 唔會太甜又唔會太酸 呢道菜最impress就係滿滿嘅配菜 有羽衣甘藍 小蕃茄 薯仔粒 重點係質素一啲都唔差 蕃茄仔超級juicy 咬一啖 啲汁就瘋狂滴 薯仔粒都係新鮮炸起 唔會超淋
〰️〰️〰️
蒜香牛柳粒
朋友推薦 雖然係一口牛 但粒粒都脹卜卜 好靚仔 重點係好嫩好juicy 除咗用生蒜炒 仲有乾蒜做點綴 超惹味
〰️〰️〰️
蒜香辣大蝦意粉
呢間個人私心大推 上枱首先見到嘅係5隻大蝦 唔會有雪藏味 完全係啖啖肉 再嚟會見到啲蘆筍仔 因為未食過蘆筍仔 有啲驚會有陣青味 點知 完全唔會 好嫩 意粉煮得啱啱好 唔會太硬或者淋 好似講緊廢話咁 但真心呢個意粉 滿分10分佢會有17.56分 食食下朋友仔話因為啲意粉條條都有油 所以好好味 一言驚醒夢中人 真係條條都好掛汁 好夠辣 鐘意蘆筍嘅朋友 一定要試
〰️〰️〰️
Passionate kiss
Base係rum酒 加幾種唔同既水果糖漿 飲落偏甜 好適合女仔飲 同埋個杯好得意 好岩打卡 個人認為如果想飲甜啲既會建議passionate kiss
〰️〰️〰️
Cucumber spritzer
Base 係vodka 加青瓜 飲落比較fresh但又唔會飲到vodka個種苦 都易入口 想清新啲既朋友cucumber spritzer 係唔錯的！
整體嚟講 呢間係可以再encore 啲侍應態度好好 見到無曬爆谷都會主動加 雖然價錢偏貴 但食物質素對得住個價
Post
